Bakı. Trend:
Bu ilin birinci rübündə Azərbaycandan Avstriyaya fiziki şəxslərin pul köçürmələrinin həcmi 1,464 milyon ABŞ dolları təşkil edib.
Trend-in Azərbaycan Mərkəzi Bankından əldə etdiyi məlumata görə, bu göstərici 2024-cü ilin eyni dövrü ilə müqayisədə 338 min ABŞ dolları və ya 30% çoxdur.
Hesabat dövründə Azərbaycandan xaricə ümumi pul köçürmələrində Avstriyanın payı 1,3% təşkil edib.
Həmçinin, cari ilin ilk rübündə Avstriyadan Azərbaycana fiziki şəxslərin pul köçürmələrinin həcmi 2,328 milyon ABŞ dolları olub ki, bu da 2024-cü ilin ilk rübündəki göstərici ilə müqayisədə 3,2 milyon ABŞ dolları və ya 58% azalma deməkdir.
Hesabat dövründə xaricdən Azərbaycana ümumi pul köçürmələrində Avstriyanın payı 1% təşkil edib.
2024-cü ilin birinci rübündə Azərbaycandan Avstriyaya fiziki şəxslərin pul köçürmələrinin həcmi 1,126 milyon ABŞ dolları, əks istiqamətdə isə 5,548 milyon ABŞ dolları təşkil edib.
Ümumilikdə, 2025-ci ilin ilk rübündə Azərbaycandan xarici ölkələrə fiziki şəxslərin həyata keçirdikləri pul köçürmələrinin həcmi 112,674 milyon ABŞ dolları təşkil edib. Bu isə 2024-cü ilin eyni dövründəki göstərici ilə müqayisədə 18,811 milyon ABŞ dolları və ya 14,3% azdır.
Eyni zamanda hesabat dövründə xarici ölkələrdən Azərbaycana fiziki şəxslərin pul köçürmələrinin həcmi 229,494 milyon ABŞ dolları təşkil edib ki, bu da 2024-cü ilin ilk rübündəki göstərici ilə müqayisədə 64,926 milyon ABŞ dolları və ya 22,1% azdır.