Azərbaycan, Bakı/ Trend ,müxbir İ.Xəlilova / Dövlət Gömrük Komitəsinin sədri Aydın Əliyevin verdiyi məlumata görə, Komitə gömrük orqanları üçün 2008-ci ili əhatə edən plan-proqnozun icra edilməsi çərçivəsində 1,1 mlrd. manat səviyyəsində müəyyən olunmuş güzəştlərin sayının azaldılması ilə bağlı hökumətə təklif irəli sürüb.
"Hazırda güzəştlərin, xüsusilə də əlavə gəlir vergisi, həmçinin Azərbaycanın istehsal etdiyi və bu günə qədər aksiz vergisinə malik omayan bir sıra neft məhsulları ilə bağlı olan güzəştlərin sayının azaldılması məsələsi müzakirə olunur" - deyə Əliyev bildirib.
Hazırda Azərbaycanın idxalında vergi azadolmalarının ümumi çəkisi 60%-ə çatır. Dövlət Gömrük Komitəsinin rəhbəri azadolmaların siyahısının azalmasından sonra, onların dəqiq həcmi barədə məlumat verməkdə çətinlik çəkib, belə ki, idxalçılar güzəştlərin hələ mövcud olduğu əmtəələrə üstünlük verə bilərlər.
Dövlət Gömrük Komitəsinin təkliflərinə əsasən, bu kimi güzəştlərə malik olan bütün əmtəələrə tətbiq olunan ƏDV azadolmalarının aradan qaldırılması təklif olunur. Eyni zamanda, dövlət təminatı ilə təqdim olunan kreditlər hesabına gətirilən əmtəələrin idxalı da ƏDV-dən azad olunub. Maraqlı vəziyyət yaranır, müəssisəyə vergi ödəyən daxili investisiylar hesabına avadanlıq gətirilir, xarici şirkətlər müəssisənin nizamnamə kapitalına investisiya yatırdıqları halda, güzəştlər tətbiq olunur. "Biz bu məsələni də qaldırmışıq. Bu, Gömrük Komitəsinə, təkcə plan göstəricilərinin icrasında deyil, həmçinin ayrı-seçkiliyi də aradan qaldırmaqda kömək edəcək" - deyə Əliyev qeyd edib.
Əmtəə mövqeləri üzrə damazlıq məhsulları, ehtiyat hissələri, kənd təsərrüfatı texnikası ilə bağlı suallar yaranır və bu məsələlərə tezliklə baxılmalı və güzəştlərin siyahısı azaldımalıdır. "Bir çox hallarda belə bir vəziyyət yaranır ki, əmtəələrə idxal zamanı güzəştlər tətbiq olunur, dövriyyəyə daxil olduqdan sonra isə, ƏDV təyin edilir" - deyə komitə rəhbəri bildirib.
