Azərbaycan, Bakı / Trend , müxbir Ü.İsmayılova/ Çərşənbə axşamı Beynəlxalq Əmək Təşkilatının Azərbaycandakı nümayəndəsi Yaşar Həmzəyevin verdiyi məlumata görə, Beynəlxalq Əmək Təşkilatı (BƏT) Azərbaycandan olan sahibkarlara bütün dünyada tanınan beynəlxalq sertifikatlar verəcək.
Azərbaycan və BƏT arasında əməkdaşlıq proqramı 2006-cı ilin noyabr ayında imzalanıb və 2006-2012-ci illər üçün fəaliyyət proqramını əhatə edir. BƏT bu proqram çərçivəsində üç əsas tərəfdaşa malikdir: Əmək və Əhalinin Sosial Müdafiəsi Nazirliyinin timsalında hökumət, Azərbaycan əhalisi, işəgötürənlər və həmkarlar ittifaqları.
Siyasət proqramına dörd əsas fəaliyyət istiqaməti daxildir: gənclərin məşğulluq siyasətinin hazırlanması, iş yerərinin yaradılması, hökumət, işəgötürənlər və həmkarlar ittifaqları ilə sosial dioloq, BƏT normalarının tətbiqində hökumətə köməklik göstərilməsi.
Həmzəyevin sözlərinə görə, proqram çərçivəsində, biznes mütəxəssislərinin hazırlanması üzrə təşkilatın beynəlxalq təlimçiləri Azəbaycan biznesmenləri üçün təlimlər keçirəcəklər və bu biznesmenlər gələcəkdə BƏT-in tanınmış təlimçilərinə çevriləcək , öz ölkələrinin biznesmenləri üçün təlimlər keçirə biləcəklər.
Beynəlxalq Əmək Təşkilatı BMT-nin əmək münasibətlərinin tənzimlənməsi məsələləri ilə məşğul olan təsisiatlarından biridir. Təşkilatın180 üzvü var. Təşkilatın mərkəzi ofisi Cenevredə yerləşir.
