Azərbaycan, Bakı, 05 fevral / Trend , müxbir İ.Xəlilova / Almaniyanın "Commerz Bank"ının Azərbaycanda nümayəndəliyinin açılması ilə əlaqədar, fevralın 7-də Bankın idarə heyətinin üzvü Martin Blessinqin (Martin Blessing) Bakıya səfəri planlaşdırılıb,-- çərşənbə axşamı nümayəndəliyin başçısı Marko Qraff deyib. [Blessinq "Commerz Bank"ın idarə sədrliyinə namizəddir, onun may ayında bankın səhmdarlarının iclasında sədr seçilməsi gözlənilir].
Azərbaycanın Milli Bankı, Almaniya bankının nümayəndəliyinin ölkədə fəaliyyətini həyata keçirməsinə dair razılığı 2007-ci ilin noyabrın sonunda verib.
"Mən şadam ki, "Commerz Bank" Qafqazda da təmsil olunur. Bakıdakı yeni ofisimiz Mərkəzi və Şərqi Avropada inkişaf strategiyamızda daha bir addımdır", - Bankın saytının yaydığı məlumatda Blessinq belə deyib.
İlk mərhələdə ofis, Azərbaycanın və Gürcüstanın bazarlarında işləyəcək. Bakıdakı ofisin əsas məqsədi Azərbaycanın Milli Bankı, yerli banklar, hökumət və beynəlxalq institutlar və yerli sahibkarlarla sıx əlaqələrin yaranmasıdır. Bakı ofisi Almaniya korporativ müştərilərinə Azərbaycanın və Gürcüstanın iqtisadi inkişaf edən bazarlarında işlərin səmərəliyini artırmaq üçün məsləhət xidmətləri göstərəcək, bazar araşdırmaları ilə də məşğul olacaq.
"Biz, Bakı ofisini regionda gələcək investisiyaları inkişaf etdirmək üçün işlətmək niyyyətindəyik", - "Commerz Bank"ın maliyyə institutu üzrə başçısı Pyer Fişer (Per Fischer) deyib.
"Commerz Bank", Bakı ofisi ilə birlikdə dünyanın 43 ölkəsində təmsil olunur.
