Azərbaycan, Bakı, 21 fevral/ Trend , müxbir S.Babayeva/ Azərbaycan hökumət ölkənin təhsil sistemində islahat üzrə üçüncü layihənin maliyyələşdirilməsində öz payını müəyyən edir. Layihə Dünya Bankı ilə birgə reallaşdırılacaq. Bu barədə cümə axşamı təhsil naziri Misir Mərdanov məlumat verib.
"Bizim (Təhsil Nazirliyi) iştirakımızla Nazirlər Kabineti, Maliyyə Nazirliyində bu məsələ üzrə müzakirə və danışıqlar aparılır"- o bildirib.
Mərdanovun sözlərinə görə, layihənin tam dəyəri hələ razılaşdırılmayıb. Dünya Bankının payı ilkin olaraq $40 mln. həcmində güman edilib. Bu layihə üzrə bankla son danışıqlar martın əvvəlinə təyin edilib. Danışıqlar üçün bankın missiyası, başda təhsil üzrə baş mütəxəssis Xuan Manuel Moreno olmaqla, Bakıya gələcək.
Layihənin əsas komponentləri təhsilin keyfiyyəti və idarəsinin artırılması, məktəbəqədər tərbiyə və texniki-peşə tədris müəssisələri ilə işdir. Bura dərs vəsaitləri, kurrikulum üzrə islahatların davam etdirilməsi, yeni texnologiyaların tətbiqi də daxildir.
DB-nin Bakı nümayəndəliyindən bildiriblər ki,bank layihənin reallaşdırılmasına Beynəlxalq İnkişaf Assosiasiyası xətti üzrə (10 ili güzəştli olmaqla, 35 ilə və 0,75 faiz illik dərəcə ilə) güzəştli kredit almağa hazırdır. Lakin Azərbaycan hökumətinin payı danışıqların gedişində müəyyən ediləcək.
Bu, bankın ölkədə təhsil sistemində islahatlar üçün üçüncü krediti olacaq.
Hazırda təhsil sisteminin inkişafı layihə, bu sahədə 1999-cı ildən fəaliyyət göstərən təhsildə islahatlar proqramına əsaslanan sektoral islahatlara yönəlib. Layihənin məqsədi - təhsilin keyfiyyətinin artırılması və ümumilikdə sektorda islahatlardır. Layihənin ümumi dəyəri $20,99 mln. təşkil edir və bunun $18 mln.-u DB-nin kreditinin payına düşür. O, Bankın Direktorlar Şurasında 2003-cü il mayın 27-də təsdiqlənib. Layihənin 2008-ci il martın 31-dək bağlanması gözlənilir.
Bank tərəfindən $5 mln. məbləğində birinci kredit 1999-cı ildə ayrılıb.
