Azərbaycan, Bakı, 18 mart/ Trend , müxbir İ.Xəlilova/ Amerikalı məsləhətçilər Azərbaycanın İxracatın və İnvestisiyaların Təşviqi Fondu (AZPROMO) üçün Bakıya beynəlxalq korporasiyaların cəlb edilməsi üzrə araşdırmaları başa çatdırıblar. Bu barədə fondun prezidenti Emil Məcidov məlumat verib. Onlar "İnkişaf edən Bakı" (Baku Rising) konsepsiyasını hazırlayıblar.
Konsepsiyada güzəştli mexanizmlərin tətbiqi, təşkilati məsələlərin həlli, xüsusilə də Bakıda hərəkət üzrə strukturun yaradılması təklif olunur.
Məcidovun sözlərinə görə, məsləhətçilər Bakıda regional qərargahların açılması məqsədilə beynəlxalq korporasiyaların cəlb edilməsi üçün beynəlxalq menecerlərin tutulması üzrə güzəştlər təqdim etməyi təklif edirlər ki, bu da sosial ödəmələrlə bağlıdır. Güzəştlər birinci dərəcəli ofislərlə təmin edilməklə, işin effektivliyinin artırılması üçün telekommunikasiya sahəsində də məqsədəuyğun hesab edilir.
"Bu, belə hallarda qəbul edilən standart güzəştlər toplumudur" - AZPROMO rəhbəri bildirib.
Məqalə müəllifinin ünvanı: [email protected]