Azərbaycan, Bakı, 18 mart/ " , müxbir İ.Xəlilova/ Konkret fəaliyyət planının təsdiq edilməsi üçün martın 19-da Azərbaycanın Şirə İstehsalçıları Alyansının iclası keçiriləcək. Bu barədə Azərbaycanın İxarcat və İnvestisiyaların Təşviqi Fondunun (AZPROMO) prezidenti Emil Məcidov məlumat verib.
Onların məhsullarına olan qiymətlərin artması nəticəsində bazarda milli istehsalçılar üçün vəziyyət yaxşılaşıb. İdxal məhsullarının satışına olan məhdudiyyətlərlə əlaqədar azərbaycanlı şirə istehsalçıları öz məhsullarını daha fəal şəkildə satmağa başlayıblar.
Bu vəziyyət yerli müəssisələrin rentabelliliyinin artmasına səbəb olub. Lakin rəqabət olmadığı şəraitdə keyfiyyət azala bilər. Bununla əlaqədar olaraq əsas vəzifə şirə istehsalçılarını bazardakı müvəqqəti dəyişikliklərdən qorumaqdır. Lakin Məcidovun sözlərinə görə, bir çox şirkətlər məhsulun keyfiyyətinin saxlanılmasının vacibliyini anlayırlar.
Bu gün ölkədə 13 orta və iri, 40-a yaxın kustar şirə istehsalçısı var.
Yerli istehsalçıların əsas problemləri menecment, marketinq və keyfiyyətə nəzarətlə bağlıdır. Lakin texnoloji problemlər yoxdur. Belə ki, Azərbaycanda model konsentrat istehsalı var. Azərbaycanın şirə istehsalçıları istehsal xətlərini 7-8 il əvvəl almağa başlayıblar. Bu o deməkdir ki, bir çox Azərbaycan istehsal xətləri texnoloji cəhətdən türk və alman ishtesal xətlərini ötür. Belə ki, bu ölkələrin istehsalçıları xətləri 20 il əvvəl alıblar. Bu dövr ərzində onlar öz xətlərini təkmilləşdiriblər.
Bu bazarda olan problemləri həll etmək üçün bu sahədə aparıcı olan doqquz şirkətin (Milk-PRO, Gilan, SAF, Granet Haji, Gamalhan, Miri-Pak, Navai və s.) daxil olduğu Şirə İxracatçıları Alyansı yaradılıb. Alyans müasir texnologiyaların tətbiqi, marketinq və Azərbaycan şirəsinin xarici bazarlarda təqdimatı ilə məşğul olacaq. Alyansa bu işdə Alman Texniki Yardım Cəmiyyəti (GTZ) tərəfindən yardım edilir.
Məqalə müəllifinin ünvanı: [email protected]