...

Azərbaycanın regionunda daşınmaz əmlakın qiymətinin artması gözlənilir

Biznes və iqtisadiyyat xəbərləri Materials 16 Aprel 2008 19:42 (UTC +04:00)

Azərbaycan, Lənkəran, 16 aprel/ Trend müxbir P.Əliyeva/Yay dövründə Lənkəranda daşınmaz əmlakın qiymətinin yenidən artması gözlənilir. Bu barədə Lənkəranda alqı-satqı ilə məşğul olan "Elnur" MMC-nin direktoru Mirzə Əliyev məlumat verib.

Onun sözlərinə görə, hazırda şəhərin mərkəzi hissəsində bir otaqlı mənzilin qiyməti $35-40 min, iki-üç otaqlı mənzilin qiyməti isə $55-70 min, 4-5 otaqlı $75-85 min dollaradır. Lənkəranın mikrorayon yaşayış massivində isə bir otaqlı $18-25 min, iki $28-35 min, üç otaqlı $35-45 min, dörd otaqlı mənzilin qiyməti isə $40-45 min təşkil edir. Həyət evlərinin qiyməti $50 mindən $300 minədək intervalda dəyişir.

"Ötən illə müqayisədə qiymətlər 50 faiz, bir neçə ay əvvəl qeydə alınmış göstəricilərlə müqayisədə isə 20-30 faiz artıb", - Əliyev bildirib.

Kirayə evlərin, mənzillərin qiyməti 50 manatla 400 manat arasında dəyişir. Bu göstərici ötən illə müqayisədə 30-40 faiz qalxıb.

Əliyev torpağın sotunun qiymətinin ötən illə müqayisədə 3 dəfəyədək artdğını, kənd yeri, şəhər mərkəzi və yol kənarından asılı olaraq bir ar torpaq sahəsinin qiymətini 1000-10000 dollar civarında olduğunu bildirib.

Müəlliflə əlaqə saxlamaq üçün elektron ünvan capital

Xəbər lenti

Xəbər lenti