Azərbaycan, Bakı, 12 may/ Trend , müxbir İ.Xəlilova/ Azərbaycanın FATF standartlarına (İqtisadi Əməkdaşlıq və İnkişaf Təşkilatının çirkli pulların yuyulması ilə mübarizə üzrə maliyyə tədbirlərinin hazırlanması Qrupu) uyğunluğu predmetində ikinci qiymətləndirmənin nəticələri 2008-ci ilin sonuna açıqlanacaq. Qiymətləndirmə Avropa Şurasının "çirkli" pulların yuyulması üzrə Moneyval ekspert qrupu tərəfindən aparılıb. Bu barədə bazar ertəsi, "çirkli" pulların yuyulması ilə mübarizə üzrə idarələrarası işçi qrupunun rəhbəri, Azərbaycan Milli Bankı İdarə Heyətinin sədr müavini Rüfət Aslanlı məlumat verib.
"Qiymətləndirmə çox konstruktiv keçib, - Aslanlı qeyd edib. O, vəziyyətin qiymətləndirilməsinin ikinci dövrəsi üçün xüsusi olaraq hazırlanmış metodologiya əsasında və ilkin informasiya üzrə aparılıb. O, ilin sonunda, Moneyval-ın iclasında müzakirə ediləcək".
Moneyval iştirakçı ölkələrdə vəziyyətin qiymətləndirilməsi üçün yaradılmış orqandır. Hər iclasda keçirilmiş qiymətləndirmələrin yekunları üzrə bu və ya digər ölkədəki vəziyyət müzakirə edilir. Aslanlının sözlərinə görə, Moneyvalın iyunda, Starsburqda keçiriləcək yay sessiyasında Azərbaycan üzrə məsələlərin xüsusi müzakirəsi nəzərdə tutulmur. Lakin, iclasda qiymətləndirmənin başa çatdığı ölkələrin nəticələri təqdim ediləcək.
Avropa Şurası, xüsusilə də Moneyval çirkli pulların yuyulması və terrorizmin maliyyələşdirilməsinə mane olmaq üzrə beynəlxalq standartların tətbiq edilməsi məqsədilə problemlərin aşkar edilməsi və aradan qaldırılması üçün yaradılan çoxtərəfli alətdir. Buna görə də, müzakirələr ikitərəfli formatda keçirilir.
Azərbaycan, 2003-cü ilin sonunda Moneyval-ın yeni təlimatlarına əsasən qiymətləndirməni keçmiş ilk ölkə olub. Bu təlimatlar "40 + 8" (çirkli pulların yuyulmasına qarşısının alınması üzrə 40 standart və terrorizmin maliyyələşdirməsinin qarşısının alınması üzrə 8 standart) prinsipi üzrə FATF-ın hər bir standartına uyğunluğulun ayrı-ayrı qiymətləndirmələr kompleksidir. Lakin, standartlardan hər biri ümumilikdə 180 yarımmaddə təşkil edən bir neçə abzasdan ibarətdir. Bütün bəndlər üzrə vahid qiymətləndirmə verilmir və ölkə hər bənd üzrə ayrıca qiymətləndirmə alır. Azərbaycan nəzərə çarpacaq dərəcədə FATF standartlarına uyğundur və ölkəyə Moneyval tərəfindən verilən qiymətləndirmə idarələrarası ekspert qrupu çərçivəsində göstərilmiş qiymətləndirmədən daha yüksəkdir.
Qiymətləndirmənin birinci raundu 2003-cü ilin mayında keçirilib. Onun əsasında Azərbaycan FATF-ın yeniləşdirilmiş standartlarına uyğun ölkələr kateqoriyasına aid edilib. Bu andan standartlara terrorizmin maliyyələşdirilməsinin qarşısının alınması haqqında yeni standart əlavə edilib.
Moneyval-ın əsas tələbi ölkə parlamentində bu il qəbul edilməsi gözlənilən "Çirkli pulların yuyulması və terrorizmin maliyyələşdirilməsinin qarşının alınması haqqında" Qanun layihəsinin qəbul edilməsidir. Bundan sonra maliyyə monitorinqi orqanı təsis ediləcək.
Müəlliflə əlaqə saxlamaq üçün elektron ünvan: [email protected]
