Azərbaycan, Bakı, 17 may / Trend , müxbir U.İsmayılova/ May ayında Bakıda təkrar əmlak bazarında bir kvadrat metr mənzil sahəsinin orta qiyməti 1659$ təşkil edib. Aprel ayında bu göstərici 1637$-a bərabər olub. Bu haqda "Əmlak bazarı iştirakçıları" İctimai Birliyi şənbə günü məlumat verib.
May ayında Yasamal, Nizami, Nəsimi, Suraxanı, Sabunçu və Xətai rayonlarında qiymətlər stabil olaraq qalıb, digər rayonlarda isə qiymət artımı müşahidə olunub.
Mayda təklif olunan mənzillərin çoxu Bakının Nəsimi (19 faiz), Yasamal (21,7 faiz) və Nərimanov (18,5 faiz) rayonlarında qedə alınıb.
May ayında portfelin böyük hissəsini (54,23 faiz) qiyməti 90 min dollardan başlayan mənzillər təşkil edib.
Bakıda may ayında bir otağın orta satış qiyməti 51341 $, mənzillərin orta qiyməti 122704 $ təşkil edib.
Müəlliflə əlaqə saxlamaq üçün elektron ünvan: [email protected]
