Azərbaycan, Bakı, 21 may / Trend , müxbir İ.Xəlilova/ Hazırda Sahibkarlığa Kömək Milli Fondu (SKMF) sahibkarların investisiya layihələrinin sahibkarlıq subyektlərinə 23,3 milyon manat güzəştli kredit verilib. Bu haqda İqtisadi İnkişaf Nazirliyindən çərşənbə günü bildiblər. 2008 -ci ilin ötən dövrüərzində Milli Fondun xəzinə hesabına 23,8milyon manat köçürülüb.
Milli Fonddan ayrılan kreditlər respublikanın 45şəhər və rayonu üzrə 179 sahibkarlıq subyektinə verilib. Fonddan sahibkarlara güzəştli kreditlərin verilməsi müvəkkil kredit təşkilatı kimi seçilmiş 29 kommersiya bankı, 1 bank olmayan kredit təşkilatı və 4 kredit ittifaqı vasitəsilə həyata keçirilir.
Maliyyələşdirilmiş layihələrin 80%-i respublikanın regionlarının payına düşür. Verilmiş vəsaitin 85%-dən çoxu istehsal və emal yönümlüdür.
Ayrılmış kreditlər sənaye məhsulları istehsalı, kənd təsərüfatı məhsullarının istehsalı və emalı, kəndli-fermer təsərrüfatlarının, turizm infrastrukturunun, xidmət sahələrinin inkişafı layihələrinin maliyyələşdirilməsinə və s. yönəldilib. Bu il maliyyələşdirilən layihələrin həyata keçirilməsi nəticəsində 2500-dən çox yeni iş yerinin yaradılacağı gözlənilir.
2008-ci il dövlət büdcəsindən SKMF üçün 80 mln. manat ayrılıb. Bunlardan 6 mln. manatı Naxçıvan Muxtar Respublikası sahibkarlarının maliyyələşdirilməsinə hesablanıb. Lakin Milli Fond sahibkarlara 100 mln. manatdan çox kredit vəsaiti ayırmağı planlaşdırır.
Milli Fondun 2006-cı il dekabrın 28-də təsdiq olunmuş vəsaitlərinin yeni mənimsənilmə qaydalarına uyğun olaraq, mikro və kiçik kreditlərin iki ilədək, orta kreditlərin - üç ilədək, böyük kreditlərin - beş ilədək, iri kreditlərin - yeddi il müddətinə verilməsi müəyyən olunub. SKMF-ın Nəzarət Şurasının qərarına uyğun olaraq, kreditin verilmə müddəti istisna halda artırıla bilər. Bir sahibkara düşən kreditin maksimal həcmi 3 mln. manat təşkil edir. Kredit tarifi 7 faizi ötməməlidir.
İqtisadi İnkişaf Nazirliyi Milli Fondun sahibkarlıq formalarını dəyişdirmək, daha dəqiq desək, Milli Fonda sərbəstlik verilməsi təklifilə hökumətə müraciət etmək niyyətindədir. SKMF səhmdar cəmiyyətinin yenidən təşkilini planlaşdırır. İqtisadi İnkişaf Nazirliyinin hesablamalarına görə, SKMF-nın özünümaliyyələşdirməyə keçidi və dövlət büdcəsininin dəstəyindən imtina etməsi 2013-cü ildə mümkün olacaq.
Bu, Milli Fondun əvvəllər verilən vəsaitlərin qaytarılması hesabına kredit verməsinə imkan verəcək.
Müəlliflə əlaqə saxlamaq üçün elektron ünvan: [email protected]