Azərbaycan, Bakı, 11 iyun/ Trend , müxbir İ.Xəlilova/ Avropa Komissiyası texniki peşə təhsili siyasətinin təkmilləşdirilməsi layihəsi üzrə məsləhətçinin seçilməsini başa çatdırıb və iyulun əvvəlində məsləhətçi ilə müqavilənin bağlanacağı gözlənilir. Bu barədə çərşənbə günü Avropa İttifaqının Azərbaycana Texniki Yardım Proqramı (Tacis) üzrə koordinasiya bürosunun icraçı direktoru Rüfət Məmmədov məlumat verib. Aİ müqavilə imzalananadək məsləhətçinin adını açıqlamaq niyyətində deyil.
Məsləhət xidmətlərinin göstərilməsinə səkkiz konsorsium iddia edib - ABU Consult Berlin GmbH (DE): AKMH Institute for Vocational Training S.A. (GR), Integration Management Consultants (DE) və Nehem International (NL), British Council (UK) - Aarhus Technical College (DK) və PEM GmbH (DE), European Profiles S.A. (GR) - Aalborg Technical College (DK), Scottish Qualifications Authority (UK) və Human Resources and Technical Assistance Ltd (CY), GOPA Consultants (DE) - G & G Consulting (TR), Hifab International AB (SU) - S.I.C.I. Dominus (ES), IFOA - Istituto Formazione Operatori Aziendali (IT) - IBF International Consulting (BE) və DVV International (DE), InWent - Internationale Weiterbildung und Entwicklung gGmbH (DE)- CCI Mulhouse - Chambre de Commerce et d'Industrie Sud Alsace Mulhouse (FR), WYG International Ltd (UK) - DeLeeuw International Ltd (TR) və ASPI Consulting Engineers Inc. (AZ).
Aİ iki ilə nəzərdə tutulmuş layihənin reallaşdırılmasına 2,5 mln. avro ayırıb. Bu vəsait kurrikulumların (tədris proqramlarının) hazırlanmasına, tədris, təhsil sisteminin təkmilləşdirilməsinə, bir neçə yüz min isə, avdanlığın alınmasına (proqram təminatı, kompüterlər, rabitənin qurulması) sərf olunacaq. Məmmədovun sözlərinə görə, Aİ Azərbaycanda turizm üzrə birinci texniki peşə məktəbinin yaradılmasını və İsmayıllıda texniki peşə təhsili siyasətinin təkmilləşdirilməsi üzrə sınaq layihəni dəstəkləməyə hazırdır.
Layihə 2006-cı maliyyə ili üçün Tacis Milli Fəaliyyət Planı çərçivəsində reallaşdırılır.
Müəlliflə əlaqə saxlamaq üçün elektron ünvan: cap