Azərbaycan, Bakı, 14 iyun / Trend , müxbir U.İsmayılova/ Azərbaycanın Kənd Təsərrüfatı Nazirliyi ərzaq təhlükəsizliyinin təmin edilməsi çərçivəçində müxtəlif ölkələrlə təcrübə mübadiləsi aparmaq niyyətindədir. Bu barədə şənbə günü Azərbaycanın kənd təsərrüfatı naziri İsmət Abbasov bildirib.
Nazirin sözlərinə görə, bu məqsədlə bu gün nazir başda olmaqla nazirliyin nümayəndə heyəti İrana yola düşəcək.
Abbasovun sözlərinə görə, səfər çərçivəsində tərəflər təcrübə mübadiləsi aparacaqlar. Əgər İran tərəfi ərzaq təhlükəsizliyinin təmin edilməsi istiqamətində təkliflərini təqdim edərsə, Azərbaycan kənd təsərrüfatının inkişafı sahəsində əməkdaşlığı davam etdirməyə hazırdır.
Azərbaycanda ərzaq təhlükəsizliyinin təmin edilməsi çərçivəsində İqtisadi İnkişaf Nazirliyi hökumətin digər iqtisadi bloku ilə birgə ərzaq təhlükəsizliyi üzrə Dövlət Proqramı layihəsi hazırlayıb. Layihə artıq cümə günü Nazirlər Kabinetinin müzakirəsinə təqdim olunub.
Məqalə müəllifi ilə əlaqə ünvanı: [email protected]
