Azərbaycan, Bakı, 24 iyun / Trend , müxbir U.İsmayılova / Norveçin "StatoilHydro Azerbaijan" şirkəti qeyri - neft sektorunda fəaliyyət göstərən Azərbaycanın yerli şirkətləri ilə fəal iş aparır. Bu barədə çərşənbə axşamı şirkətin prezidenti Kristian Hausken Azərbaycan İxrac və Sərmayələrin Təşviqi Fondu (AZPROMO) ilə birgə "BMT-nin Qlobal Sazişi" layihəsinin təqdimat mərasimində bildirib.
"Bir il davam edəcək layihənin ilk mərhələsi $100 min tələb edir. Sözügedən sınaq mərhələsində işlər uğurla gedərsə, biz növbəti mərhələlərə dair qərar qəbul edəcəyik", - deyə Hausken bildirib.
Layihənin əsas məqsədi - yeli şirkətləri BMT-nin qlobal sazişi ilə tanış etməkdir, bu da öz növbəsində, özəl firmaların inkişafına və ölkə xaricinə çıxmaq imkanı yaradacaq.
Qlobal saziş BMT-nin keçmiş Baş Katibi Kofi Annanın 1999-cu ildə irəli sürdüyü təşəbbüsdür. Baş katib qloballaşmanın inkişafının bu şəkildə davam etməli olmadığını nümayiş etdirmək üçün bu təşəbbüsü irəli sürüb. O, yeni iş yerlərinin yaradılması və həyat səviyyəsinin yaxşılaşdırılması, ümumbəşəri dəyərlərə hörmət və gələcək nəsillərin mövcudluğunu dəstəkləyən ətraf mühit hüququnun qorunması ilə, özəl sektorun səmərəliliyini birləşdirmək imkanına malikdir. Bu, könüllü qəbul edilmiş məhdudiyyətlərlə tərəqqinin mühərriki rolunun verildiyi özəl sektorla münaqişələrdən əməkdaşlığa inkişaf üzrə debatların istiqamətini dəyişdirməyə edilən cəhddir. Qlobal saziş sosial məsuliyyətin 10 prinsipini əks etdirir.
"StatoilHydro" Azərbaycanda fəaliyyətini (1992-ci il) 2007-ci ilin sonunadək, neft-qaz layihələri çərçivəsində, ölkə iqtisadiyyatına $4,1 mlrd. sərmayə yatırmaqla başladı. 2007-ci ildə şirkətin Azərbaycan iqtisadiyyatına sərmayə yatırımı $0,7 mlrd. təşkil edib.
Şirkət üç iri layihədə - "Azəri-Çiraq-Günəşli" (8,5633 faiz pay iştirakı), "Şahdəniz" (25,5 faiz), "Araz-Alov-Şərq" (15 faiz) - iştirak edir.
"StatoilHydro" Azərbaycan "Şahdəniz" qaz - kondensat yataq layihəsinin işlənməsi üzrə iştirakçısıdır. Şirkət "Şahdəniz"-in kommersiya operatorudur. Sözügedən şirkət "Şahdəniz"in birinci mərhələsinin reallaşdırılması çərçivəsində qazın satışına cavabdehdir.
Müəlliflə əlaqə saxlamaq üçün ünvan: [email protected]