Azərbaycan, Bakı, 24 iyun/ Trend müxbir Ü.İsmayılova/ Alman İnkişaf Bankının (KfW) nümayəndələri Azərbaycanın Daşınmaz Əmlakın Dövlət Reyestri Xidməti ilə "Daşınmaz əmlakın kadastrı və qeydiyyatı" layihəsini müzakirə ediblər. Bu barədə çərşənbə axşamı Dövlət Xidmətindən məlumat veriblər.
Görüşdə texniki vəzifənin hazırlanması və layihənin qiymətləndirilməsi üçün məsləhətçini seçilməsi barədə qərar qəbul edilib.
Dövlət Xidmətinin rəhbəri Arif Qaraşovun bir müddət əvvəl bildirdiyinə görə, Azərbaycan hökuməti və KfW arasında layihəyə kreditin ayrılması haqqında müqaviləsinin imzalanması mayın sonuna nəzərdə tutulub, layihənin qiyməti dəqiqləşdirildiyi üçün, o yubanır.
Layihə torpaq sahələrinin, sahələrin və daşınmaz əmlakın qeydiyyatının aparılması üçün Gəncədə və Şəki rayonunda müntəzəm kadastr uçotunun aparılmasını nəzərdə tutur. Onların dəqiq koordinatları geodeziya tədqiqatları əsasında kadastr xəritəsinə daxil ediləck.
Layihənin əsas fazasının reallaşdırılması üçün KfW-ə 30 ay lazım olacaq. Alman bankı KfW kadastrın yaradılması layihəsinə 2,5 avro kredit, təşkilat-benefisiarın institusionallaşmasına isə, 1 mln. avro qrant ayırmağa hazır olduğunu bildirib.
Azərbaycan hökuməti və Dünya Bankı (DB) 2007-ci ilin iyulunda daşınmaz əmlakın vahid kadastrı sisteminin birgə tətbiqi haqqında saziş imzalayıblar.
Layihə dörd komponentdən ibarətdir - daşınmaz əmlakın qeydiyyatı; dövlət əmlakının idarə edilməsi və reyestri; baza xəritəçəkməsi və torpaq kadastrı; treninqlər, siyasətin və layihənin idarə edilməsinin formalaşdırılması. Layihənin dəyəri $38,57 mln.-dır və bunun $30 mln.-u DB-nin kreditinin payına düşür. Kredit ehtiyatları, 5 il güzəştli dövr olmaqla, 20 il müddətinə ayrılıb.
Müəlliflə əlaqə saxlamaq üçün elektron ünvan: [email protected]
