Azərbaycan, Bakı, 25 iyun / Trend , müxbir E.İsmayılov/ Yeni Bakı-Mahaçqala-Bakı aviareysinin açılışı çərşənbə günündən qarşıdakı bazar gününə keçirilib. Bu barədə reysləri idarə edəcək "Dağıstan hava yolları" şirkətindən çərşənbə günü məlumat veriblər.
Marşrutda istifadə ediləcək TU-154 təyyarəsi "Turan air" aviaşirkətindən icarəyə götürülüb.
Reyslər bazar ertəsi, çərşənbə və cümə günlərində Bakı vaxtı ilə saat 14:30-da həyata keçiriləcək. Biletlərin qiyməti bir tərəfə 125 avro, hər iki tərəfə isə 198 avrodur.
Azərbaycan Milli Bankının məlumatlarına əsasən, iyunun 25-də manatın avroya nisbətdə məzənnəsi 1,2691 təşkil edib.
Müəlliflə əlaqə saxlamaq üçün elektron ünvan: [email protected]
