Azərbaycan, Bakı, 28 iyun / Trend / İyunun 23 -nə olan məlumata görə, ölkədə 290 min hektarlıq əkin sahəsi üzrə taxıl istehsalı 748,4 min ton təşkil edib. Bu, ötən il ilə müqayisədə 323,2 min ton çoxdur. Bu barədə Azərbaycan kənd təsərrüfatı nazirinin müavini Aslan Aslanova istinadən, rəsmi mətbuatda bildirilir.
Bu göstərici bütün yığım sahələrinin 34 faizini təşkil edir. Məhsuldarlıq hər hektara 25,7 sentener təşkil edib. Yığım davam edir.
Azərbaycan Kənd Təsərrüfatı Nazirliyi 2008 -ci ildə 3 mln. ton tələbat qarşılığında 2,3 mln. ton səviyyəsində taxıl istehsalı proqnozlaşdırır. Bu göstəricinin 1,5 mln. tonu ərzaq taxılının payına düşür.