Azərbaycan, Bakı, 03 iyul/ Trend , müxbir İ.Xəlilov/ Çexiya bankları - Çex İxrac Bankı və Çexoslovakiya Ticarət Bankı Azərbaycana ixrac olunan çex mallarını maliyyələşdirməyə hazırdırlar, - cümə axşamı Azərbaycanda İxraca və Sərmayəyə Yardım Fondunda (AZPROMO) bildiriblər
Onlar maliyyə xidmətlərini iyulun 4-də Bakıda keçiriləcək Azərbaycan-Çex Biznes Forumunda təqdim edəcəklər.
Çex İxrac Bankı Azərbaycandakı potensial tərəfdaşlara, adətən, kommersiya sektoru bankları üçün münasib olmayan, uzunmüddətli maliyyə mənbəsi tələb edən, risklə bağlı olan ixrac müqavilələrini təklif etmək niyyətindədirlər. Bu , ixraca dövlət yardımı sisteminin ayrılmaz hissəsi olan, çex ixracına imtiyazlı, qısamüddətli və uzunmüddətli maliyyələşmə vəsaiti verən, çex şirkətlərinə birbaşa xarici sərmayələri təqdim edən ixtisaslaşmış dövlət bankıdır.
Çexoslovakiya Ticarət Bankı Çex Dövlət Sığorta Şirkəti EQAP-ın bank alıcılarını və çex malları alıcısını sığortaladığı ixrac kreditlərini təqdim edir.
İyulun 3-də valyuta məzənnəsi --0,8093 AZN/USD.