Azərbaycan, Bakı, 07 iyul / Trend / Cari ilin yanvar-iyun aylarında Azərbaycan Əhalinin Sosial Müdafiə Fondunun gəlirləri 646,16 mln. manat təşkil edib ki, bu da 2007-ci ilin analoji dövr göstəricisindən 157,63 mln. manat və ya 31,45 faiz çoxdur. Bu barədə bazar ertəsi Fonddan məlumat verilib.
O cümldən, icbari sosial sığortadan gələn gəlirlər 390,63 mln. manat təşkil edib. Bu göstərici 2007-ci ilin analoji dövr göstəricilərinə nisbətdə 72,79 mln. manat çoxdur. Büdcə təşkilatlarından gələn gəlirlər 151,1 mln. manat, qeyri-büdcə təşkilatlarıdan gələn gəlirlər isə, 236,51 mln. manat təşkil edib.
Bu dövr ərzində dövlət büdcəsinə köçürmələr 246,15 mln. manat təşkil edib ki, bu da 2007-ci ilin yanvar-iyun göstəricilərindən 59,47 mln. manat çoxdur. Digər gəlirlər 1,12 mln. manat təşkil edib.
Yanvar-iyun ərzində Fondun xərcləri 621,06 mln. manat təşkil edib, bu, 2007- ci ilin analoji dövr göstəricisindən 136,55 mln. manat çoxdur.
Əhaliyə ödəmələr 603,51 mln. manat təşkil edib ki, bu da 2007-ci ilin yanvar-iyun aylarının göstəricilərinə nisbətdə 137,35 mln. manat çoxdur.