Azərbaycan, Bakı, 17 iyul/ Trend , müxbir Ü.İsmayılova/ Xəbərdarlıq müddəti bitdikdən sonra, cümə axşamı Maliyyə Nazirliyi tərəfindən lisenziyasının müddəti dayandırılan Azərbaycanın "Abşeron" sığorta şirkəti müddətsiz lisenziya almaq üçün idarəyə müraciət etmək niyyətindədir. Bu barədə cümə axşamı şirkətdən məlumat veriblər.
Maliyyə Nazirliyindən cümə axşamı bildiriblər ki, çoxsaylı qanun pozuntuları və çatışmazlıqlara görə "Abşeron" şirkətinin lisenziyası sentyabrın ikisinədək dayandırılıb.
"Xəbərdarlıq müddəti bitən gün bizim sığorta fəaliyyəti aparmağımıza dair beşillik lisenziyanın müddəti bitir", - şirkətdən bildiriblər.
Martın ortalarında qüvvəyə minən Azərbaycanda "Sığorta fəaliyyəti haqqında" yeni Qanuna əsasən, sığorta şirkətləri sığorta fəaliyyəti göstərmək üçün müddətsiz lisenziya alırlar. Əvvəllər lisenziyalar beş il müddətinə verilib.
Mayda Azərbaycanın Maliyyə Nazirliyi avtonəqliyyat vasitələri sahiblərinin vətəndaş məsuliyyətinin məcburi sığortasına dair "Abşeron" şirkətinə əvvəllər verilən icazənin ləğvi ilə, onun lisenziyasını məhdudlaşdırmaq barədə qərar qəbul edib. Buna səbəb "Abşeron" şirkətinin fəaliyyətinin yoxlanılması zamanı müvafiq Qanunun pozulmasına dair aşkar edilən ciddi pozuntular olub.
Maliyyə Nazirliyinin Baş Sığorta Nəzarəti İdarəsinin rəhbəri Namiq Xəlilov əvvəllər bildirib ki, "Abşeron" şirkətinin digər çatışmazlıqlarla yanaşı, Mərkəzi Sığorta Fondu və Ehtiyat Tədbirləri Fondunda, "Nəqliyyat vasitəsi sahiblərinin mülki məsuliyyətinin icbari sığortası haqqında" Qanunda nəzərdə tutulmuş məcburi ödəmələr üzrə nəzərə- çarpacaq borcları var.
Birinci rübün yekunlarına görə, şirkət 0,12 mln. manat sığorta haqqı toplayıb. Ödəmələr 0,004 mln. təşkil edib.
Bu gün ölkədə 28 sığorta şirkəti fəaliyyət göstərir.
Müəlliflə əlaqə saxlamaq üçün elektron ünvan: [email protected]
