Azərbaycan, Bakı, 02 avqust/ Trend , müxbir İ.Xəlilova/İyun ərzində Azərbaycanın bank sektorunun kapitallaşması 3,3 faiz, ilin əvvəli ilə müqayisədə və iyulun 1-nə olan vəziyyətə görə isə 26,9 faiz artıb, - şənbə günü Azərbaycanın Milli Bankından deyiblər.
AMB-nın statistik məlumatlarına görə, iyulun 1-nə bankların kapitalı 10 milyon manatı ötüb. İlin əvvəlində bu göstərici 38 bank olub və buna müvafiq olaraq, bu kateqoriyalı bankların ümumi kapital həcmində tutduqları yer 94,6 faizdən 96,9 faizədək artıb.
Bankların dördündə (xüsusi çəkisi 2,8 faiz) kapital 5 milyondan 10 milyonadək həddə formalaşıb. Bankların biri (0,3 faiz) isə kapitalı 3,5 milyon manatdan 5 milyon manatadək diapazonda ödəyib.
Hesabat dövründə respublika ərazisində bank fəaliyyətini aprmaq üçün lisenziyaya 46 bank malik idi. Lakin Poçtbank hesabatı çoxdan aparmır. Belə ki, onun əməliyyatları tamamilə məhdudlaşdırılıb. Bununla əlaqədar olaraq, AMB-nın statistikasında bu bank üzrə məlumatlar nəzərə alınmayıb. Bundan başqa, Poçtbank və Atlantbank kapitalizasiya üzrə tələbləri yerinə yetirməyiblər. Ölkənin bank sisteminin yenidən qurulması tədbirləri çərçivəsində, AMB-nin idarə heyəti iyulun 9-dan bu iki bankın bank lisenziyalarını geri alıb.
Hazırda məhdud lisenziya ilə (əmanətlərin qəbuluna icazələri yoxdur) yeddi bank işləyir. Bu səbəbdən onlar əmanətin sığortalanması Fondunun üzvü ola bilməyiblər. Məhdudiyyət müddəti hər bir banka fərdi şəkildə tətbiq edilib.
Cari ildə Milli bank bankların kapitalına yeni normativ tələblər irəli sürməyi planlaşdırmayıb. Lakin onların gələcəkdə kapitallaşması üzrə yeni strategiyanı işləyib hazırlamaq niyyətindədir. Ümumilikdə, gələcəkdə banklar beynəlxalq praktikada qəbul edilmiş kapitalın adekvatlığı tələbinə riayət etməlidirlər. Daxili maliyyə bazarının qlobal böhrandan qorunması üçün AMB-nin işəyib hazırladığı kompleks tədbirlər çərçivəsində, kapitallaşmaya olan tələblərin dəyişdirilməsi (aktivlərin keyfiyyəti və kapitalın adekvatlığı) mümkündür.
Hazırda ölkədə xarici kapitalla 24 bank fəaliyyət göstərir. İlin əvvəlində onların sayı 21 idi. Onların yeddisində xarici kapitalın xüsusi çəkisi 50 faizdən 100 faizədək aralıqda formalaşıb. Bankların 15-də və xarici bankların yerli filiallarında bu göstərici 50 faizdir.
İkinci rübün nəticələrinə görə fəaliyyət göstərən bankların sayı 530 olub. Birinci yarımildə banklar 45, il ərzində isə 88 filial açıblar. Bunların 125 dövlət, 405-i kommersiya bankalrının filiallarıdır.
Yerli filialları olan bankların sayı 41-ə çatır. Onların da 95 şöbəsi var. Xatricdə fəaliyyət göstərən struktur bankların sayı yeddidir. Onların dördü nümayəndəlik, ikisi törəmə bank, biri isə filialdır. Azərbayacnda xarici bankların dörd nümayəndəliyi fəaliyyət göstərir.
Avqustun 2-nə rəsmi valyuta məzənnəsi 0,8093 AZN/USD-dır.
