Azərbaycan, Bakı, 15 avqust/ Trend , müxbir İ.Xəlilova/ Tatarıstan Azərbaycanda "Çinar" Bakı zavodunun bazasında soyuducu istehsalı üzrə birgə müəssisə təşkil etməy hazırdır, Tatarıstanın Azərbaycandakı daimi nümayəndəsi Nail Zaripov bildirib.
Tatarıstan zavodu soyuducu istehsalı üzrə Rusiyada üçüncü yeri tutur və ildə yarımmilyonadək soyuducu istehsal edir. Azərbaycanda isə ildə 30 min soyuducu istehsal edilir.
"Biz Azərbaycan tərəfinin şərtləri ilə soyuducu istehsalı və Tatarıstandan gətirilən dəstləşdirici hissələr əsasında sonradan istənilən brend altında realizə edilməklə onların yığılmasını təşkil etməyə hazırıq", - Zaripov bildirib.
Onun sözlərinə görə, bu təklif 2008-ci ilin iyulunda hökumətlərarası komissiyanın iclasında və Azərbaycanın Baş naziri Artur Rəsizadənin Kazana səfəri zamanı müzakirə edilib. Tatarıstan nümayəndəsi təklifin müsbət qarşılandığını vurğulayıb.
Bu gün Tatarıstandan tibb müəssisələrinin sistemləri üçün soyuducu qurğular gətirilir. POZİS - 2000-ci ildə tibbi texnikanın - əczaçılıq, laborator və donor qanının, dərmanların və s. saxlanılması üçün digər xüsusi avadanlıqların hazırlanmasına başlamış yeganə müəssisədir. Hazırda zavod qiymətli avadanlığı yalnız Tatarıstanın deyil, Rusiyanın digər regionları və MDB ölkələrinin tibb müəssisələrinə də tədarük edir. Ötən ildən şirkət texnikanın, atmosferin ozon qatını dağıtmayan, elektrik enerjisi sərfini azaldan və aşağı səs səviyyəsini təmin edən soyuducu izbutanla təchizinə başlayıb.
Avqustun 15-nə olan cari məzənnə -- 0,8142 AZN/USD.
Müəlliflə əlaqə saxlamaq üçün elektron ünvan: cap
