Azərbaycan, Bakı, 02 sentyabr/ Trend , müxbir E.İsmayılov/ ""Azərbaycan Hava Yolları" QSC (AZAL) Rusiyanın Ulan-Udedəki aviasiya zavodu ilə dörd Mi-171 vertolyotunun alınmasına dair müqavilə bağlayıb", - QSC-nin rəhbəri Cahangir Əsgərov çərşənbə axşamı bildirib. AZAL yeni vertolyotları 2010 - cu ildə alacaq.
"Ulan-Ude müəssisəsi ilə müqavilə artıq imzalanıb, yeni vertolyotları 2010-cu ildə alacağıq", - Əsgərov bildirib.
"Yeni vertolyotlar Azərbaycan Dövlət Neft Şirkəti ilə razılaşdırılmaqla, iriqabaritli yüklərin, platformalarda yerləşən qazma qurğuları üçün boruların daşınması məqsədilə alınır", - Əsgərov qeyd edib.
Hazırda Ulan -Ude aviasiya zavodunun əsas fəaliyyət istiqaməti nəqliyyat, sərnişin, axtarış-xilasetmə, yanğın əleyhinə, santiar, VİP variantlarda Mi-171 vertolyotunun istehsalına yönəlib.
2010 - cu ildə AZAL Sikorsky Aircraft Corp.-un beş S - 92 vertolyotunu alacaq. "Yeni vertolyotlar neftçilərlə işə göndəriləcək", - Əsgərov bildirib. Əvvəllər Sikorsky Aircraft Corp. və AZAL arasında yeni vertolyotların alınmasına dair müqavilə imzalanmışdı.
Müəlliflə əlaqə saxlamaq üçün elektron ünvan [email protected]