...

Azərbaycan Sığortaçılar Assosiasiyası ümumi iclasın keçirilməsi tarixini dəqiqləşdirib

Biznes və iqtisadiyyat xəbərləri Materials 3 Sentyabr 2008 20:30

Trend-i buradan izləyin

Azərbaycan, Bakı, 03 sentyabr/ Trend , müxbir Ü.Ismayılova/ Azərbaycan Sığortaçılar Assosiasiyası sentyabrın 18-də ümumi iclas keçirəcək. İclasda Idarə Heyətinin yeni sədri seçiləcək,- çərşənbə günü Assosiasiyanın icraçı direktoru Qafar Məcidov deyib.

Assosiasiyanın İdarə Heyətinin yeni sədri Nizamnaməyə uyğun olaraq, hazırda Idarə Heyəti sədrinin müavini olan Cəmil Məlikov seçiləcək.

Əvvəllər Assosiasiyanın İdarə Heyətini  indiki sədri Kamal İbrahimovun dediyinə görə,  Məlikovun öz vəzifə səlahiyyətlərinin icrasına gecikməsi, iyulda Bakıda keçirilmiş Birinci Beynəlxalq Sığortaçılar Forumu ilə əlaqədardır.

İyulun 10-11-də Bakıda Azərbaycan Sığortaçılar Assosiasiyasının təşkil etdiyi I Azərbaycan Beynəlxalq Sığorta Forumu keçirilib. Forum Azərbaycan Maliyyə Nazirliyinin dəstəyi ilə keçirilib.

Məlikovun Assosiasiyanın Idarə Heyətinin sədri vəzifəsini tutması, təşkilatın Nizamnaməsində nəzərdə tutulub. Nizamnaməyə uyğun olaraq, Müşahidə Şurasına Azərbaycanın beş sığorta şirkəti - MBASK, Standard Insurance, Beynəlxalq Sığorta Şirkəti, Azərsığorta, Atəşgah daxildir. Birinci iclasda müşahidəçi şuranın birinci sədri Standard Insurance-in baş direktoru Kamal İbrahimov, sədr müavini isə  MBASK-ın idarə heyətinin sədri cəmil Məlikov seçilib.

"Başqa planlar haqında danışa bilmərəm, çünki Assosiasiya kollektiv işdir və yeni fikirlər Assosiasiyanın bütün iştirakçıları ilə birlikdə hazırlaancaq", - Məlikov deyib.

Azərbaycan Sığorta Şirkətləri Assosiasiyası Idarə Heyətinin hər beş üzvündən biri növbə ilə bir il müddətinə təşkilatda sədrlik edir.

Fəaliyyət göstərən bütün şirkətlərin daxil olduğu Azərbaycan Sığortaçılar Assosiasiyası 2006-cı ilin dekabrında təsis edilib.  

Xəbər lenti

Xəbər lenti