Azərbaycan, Bakı, 15 sentyabr / Trend , müxbir Ü.İsmayılova/ Yanvar-avqust aylarında Azərbaycanın Əhalinin Sosial Müdafiəsi Fonduna (ƏSMF) sığorta və pensiya təşkilatları, xaricdə yaşayan əcnəbi və azərbaycanlılardan 1,4 min müraciət daxil olub, - bazar ertəsi ƏSMF -dən bildiriblər.
Müraciətlərin əksəriyyəti (1,3 min) MDB-dən daxil olub. Müraciətlər əsasən vətəndaşların pensiya hüququnun təminatı, konkret hallarda rəsmi sənədlərin hazırlanmasında ikitərəfli münasibətlərin tənzimlənməsi ilə baqlı olub.
Müraciətlər arasında ikinci yeri Türkiyə tutub. Oradan səkkiz ay ərzində 88 müraciət daxil olub. Müraciətlər ölkələr arasında qarşılıqlı ikitərəfli sosial müdafiə razılaşmasına uyğun olaraq, ölkə vətəndaşlarının sosial sığorta və pensiya təminatı üzrə konkret tədbirlərin görülməsi ilə bağlı olub.
Avropa ölkələrindən bu müddət ərzində fonda 35 müraciət daxil olub. Onların arasında Almaniyadan daxil olan müraciətlər üstünlük təşkil edir. Bu müraciətlərə əsas ölkə vətəndaşlarının sosial hüququnun təminatı ilə bağlı olub.