Azərbaycan, Bakı, 10 oktyabr/ Trend , müxbir Ü.İsmayılova/ Azərbaycanda icbari tibbi sığortanın tətbiqinin təxirə salınması mütəxəssislərin aşağı ixtisaslı olması və zəif menecment sistemi ilə bağlıdır, - їİqtisadi Araşdırmalar Mərkəziї QHT - nin rəhbəri Qubad İbadoğlu hesab edir.
Azərbaycanda їİcbari tibbi sığorta haqqındaї Qanun ilk dəfə 1999 - cu il oktyabrın 28 - də qəbul edilib. 2007 - ci il dekabın 7 - də Azərbaycan prezidenti Qanuna əlavə və dəyişiklikləri təsdiqləyib. Həmin ildə dekabrın 27 - də Azərbaycanın Nazirlər Kabineti nəzdində İcbari Tibbi Sığorta üzrə Dövlət Agentliyinin yaradılması haqqında fərman imzalanıb.Yanvarın 10 - da dövlət başçısı səhiyyə sistemində islahatların aparılması və icbari tibbi sığorta Konsepsiyasının realizəsi üzrə fərman verib. Ölkənin Nazirlər Kabineti icbari tibbi sığorta Konsepsiyasının realizəsi, həmçinin, 2008 ї 2012 - ci illərdə səhiyyənin maliyyələşdirilməsi sistemində islahatların aparılması üzrə Fəaliyyət Planını təsdiqləyib.
Nəzərdə tutulan Konsepsiyanın əsas istiqamətləri baza xidmətləri üzrə zəmanət paketinin hazırlanması; səhiyyə resurslarının toplanılması və səhiyyə sisteminin formalaşdırılması; tibbi xidmətlər göstərən idarələrin yeni maliyyələşdirmə sisteminin hazırlanması və tətbiqi; pilot rayonlarda bir nəfərə tibbi xidmət sisteminin hazırlanması, göstərilən xidmətlərə görə stasionar ödəmə sisteminin hazırlanması və tətibiqidir.
Hazırda zəmanət paketini Səhiyyə İslahatları İctimai Mərkəzi hazırlayır. İqtisadi Araşdırmalar Mərkəzindən bildiriblər ki, hazırda beş rayonda ї İsmayıllı, Şəki, Ağdaş, Abşeron və Qaxda zəmanət paketi hazırlanır. Zəmanət paketi icbari tibbi sığorta üçün xidmət növləri və məbləğini nəzərdə tutur.
Ekspertin sözlərinə görə, tədbirlər planına mövcud səhiyyə sisteminin qiymətləndirilməsi, sistemdə islahatların aparılması üzrə normativ - hüquqi sənədlərin hazırlanması, beynəlxalq təcrübənin tətbiqi, İcbari Tibbi Sığorta üzrə Dövlət Agentliyinin inkişafı, səhiyyənin maliyyələşdirilməsi sisteminin təkmilləşdirilməsi daxildir.
İbadoğlunun rəyinə görə, icbari tibbi sığortanın tətbiqinə mane olan əsas problemlər sistemin tətbiqi üzrə Konsepsiyanın, infrastrukturun və sahəni qiymətləndirmək imkanının yoxluğudur. Ekspert hesab edir ki, 1999 - cu ildə icbari tibbi sığortanın tətbiqi vəsait çatışmazlığına görə realizə edilmirdisə, bu gün ölkədə belə problem yoxdur ї 2003 - cü ildə səhiyyə sahəsindəki xərclərin dövlət xərclərində xüsusi çəkisi 4,7 faiz təşkil edirdisə, 2008 - ci ilin proqnozlarına əsasən, bu rəqəm 3,5 faizə bərabərdir.
їRəsmi məlumatlara əsasən, 2007 - ci ildə bir nəfər üçün səhiyyəyə çəkilən xərclər 9 - 10 manata bərabər olubї, - İbadoğlu bildirib. Sistemin tətbiqi üçün 2008 - ci ilin dövlət büdcəsindən 4 mln. manat ayrılıb. Tibbi sosial sığorta sisteminin yaradılması səhiyyə sistemində islahatların aparılması, tibbi xidmətlərin keyfiyyətiin yaxşılaşdırılması çərçivəsində həyata keçirilir.
Dövlət Sosial Müdafiə Fondunun araşdırmalarına əsasən, hər il ölkədə tibbi xidmətə $200 mln. vəsait sərf edilir. Bu gün yalnız bəzi birgə müəssisə və şirkətlərdə tibbi sığorta aparılır. Yeni tibbi xidmətlər sisteminin tətbiqi ilə tibbi sığorta üzrə xüsusi kartlar veriləcək və göstərilən xidmətlərə görə ödəniş bu kartlardan çıxılacaq.
Müəlliflə əlaqə saxlamaq üçün elektron ünvan: [email protected]