Azərbaycan, Bakı, 03 noyabr/ Trend , müxbir Ü.İsmayılova/ Sentyabrda Bakıda qeyri -yaşayış obyektinin bir kvadratmetrinin qiyməti avqustla müqayisədə 1,2 faiz - 3661 dollaradək artıb, - "Əmlak Bazarı İştirakçıları" İctimai Birliyindən bazar ertəsi bildiriblər. Son rüb ərzində Bakıda qeyri - yaşayış obyektləri 1,6 faiz, 2007- ci ilin analoji dövrü ilə müqayisədə 39 faiz bahalaşıb.
Sentyabrda kommersiya obyektlərinin orta icarə qiyməti 1,5 faiz artıb. Bazara orta qiymətdən aşağı təklif edilən qeyri - yaşayış obyetklərinin payı kommersiya əmlakı bazarı portfelinin 60,5 faizini təşkil edib.
Ay ərzində kommersiya obyektləri bazarında təkliflər 0,5 faiz azalıb ki, bu da mövsümi dəyişikliklərlə bağlıdır. Sentyabrda qeyri - yaşayış obyektinin ekspozisiya müddəti 1,6 faiz artıb. Kommersiya obyektlərinin alqı - satqısı üzrə əməliyyatların sayı 3,2 faiz, obyektlərin ekspozisiya müddəti 3 faiz artıb.
Qeyri - yaşayış bazarı portfelinin böyük hissəsini Bakının Nərimanov (22 faiz), Nəsimi (21 faiz) və Yasamal (13 faiz) rayonlarındakı obyektlər təşkil edib.
Ümumi cədvəl sentyabrda Bakıda qeyri - yaşayış obyektlərinin qiymətlərinin şəhərin zonaları üzrə artmasını göstərir:
|
Şəhərin zonası |
Bir kvadratmetrin qiyməti (min dollar) |
Ay ərzində artım (faizlə) |
|
I |
5453 |
-0,9 |
|
II |
3793 |
-0,6 |
|
III |
2809 |
8 |
|
IV |
1139 |
0,1 |
Müəlliflə əlaqə saxlamaq üçün elektron ünvan:[email protected]