Azərbaycan, Bakı, 10 noyabr/ Trend , müxbir İ.Xəlilova/ Maliyyə böhranı nəticəsində dünya bazarlarında yaranmış qeyri-sabitlik Asiya İnkişaf Bankının (AİB) Azərbaycanın bank sektorunun maliyyələşdirilməsinin artırılması haqqında qərarına təsir göstərib.
"AİB, Azərbaycanın üç kommersiya bankı üçün cari ilə nəzərdə tutulan kredit ehtiyatlarının ayrılmasını 2009-cu ilə təxirə salıb", - ölkənin bank dairələrindən bazar ertəsi bildiriblər.
AİB Bank Standard, Texnika Bank və UniBank-a 40 mln. dollaradək vəsait ayırmağı planlaşdırırdı.
Asiya Bankının qərarına ölkənin bank sektorundakı vəziyyət də təsir göstərib. Ölkənin bank sektorunda risklərin yenidən qiymətləndirilməsi nəticəsində kreditləşdirmənin həcmi azalıb və Azərbaycan Milli Bankının normativləri nəzərə alınmaqla, yeni tarif siyasətinin formalaşdırılması üçün monitorinq aparılır.
Sazişlərin imzalanma tarixlərinə dəfələrlə yenidən baxılıb. AİB - in ticarət maliyyələşdirməsinə kredit vəsaitləri ayırmağa hazır olması ilə əlaqədar, məbləğ əvvəllər nəzərdə tutulan 30 mln. dollardan $ 40 mln. dollaradək artıb. Əvvəllər Asiya İnkişaf Bankının kreditləri yalnız Azərbaycanda kiçik və orta biznesin inkişafı üçün nəzərdə tutulurdu.
Əvvəllər AİB yalnız Bank Standard ilə avtomobil kreditləşməsi üzrə $50 mln.dollar dəyərində sekyuritizasiya layihəsini realizə etməyi planlaşdırıb. Texnika Banka isə, avrobondların buraxılışı (bridge financing), razılaşdırılmış vaxt müddəti vasitəsilə səhmlərin əldə edilməsi hüququnun alınması, kiçik və orta sahibkarlığın dəstəklənməsi üçün nəzərdə tutulan 50 mln. dollarlıq paket hazırlanıb.
AİB 2008 - ci ilin sonunadək Azərbaycanın bank sektoru üçün maliyyələşdirmə həcmini əvvəllər bəyan edilən 120 mln. dollardan 100 mln. dollaradək, ümumilikdə isə, 150-200 mln. dollaradək artırmağa hazır olub.
İndiyədək AİB Azərbaycan bankları üçün $56 mln. məbləğdə kredit xətlərinin ayrılmasını təsdiq edib. Asiya İnkişaf Bankı Azərbaycanın bank sektorunun birbaşa maliyyələşdirilməsində əsas oyunçuya çevrilməyə başlayıb. AİB, kiçik və orta sahibkarlıq, ticarət maliyyələşdirməsinin dəstəklənməsi proqramları çərçivəsində, Bank Respublika, Bank of Baku, AccessBank, AGBank-ı maliyyələşdirib. ABB və Bank Respublika üçün subordinasiya edilmiş kreditlər açılıb.
Müəlliflə əlaqə saxlamaq üçün elektron ünvan: [email protected]