Azərbaycan, Bakı, 10 noyabr / Trend müxbir Ü.İsmayılova, T.Cəfərov/ Azər -Asiya Azərbaycan - İran Sığorta Şirkətinin təsisçiləri dekabrın 1- də Tehranda keçiriləcək iclasda şirkətin taleyilə bağlı qərara gələ bilməyəcəklər. İran tərəfdən həmtəsisçi, Azər-Asiya-nın İdarə Heyəti sədrinin müavini Mir Kazım Pərpənci Moqteba belə hesab edir. Fevral ayında Azərbaycanın Maliyyə Nazirliyi bu şirkətin sığorta fəaliyyəti üçün yeni lisenziya verməkdən imtina edib.
"Müqaviləyə əsasən, sığorta şirkətinin fəaliyyətinin bərpası yalnız o halda mümkündür ki, təsisçilərin üçdə ikisi bunun lehinə səs versinlər" - həmtəsisçi bazar ertəsi telefonla Trend -a belə deyib.
Onun sözlərinə görə, bu cür səsvermə mümkün deyil, çünki Azərbaycan qanunvericiliyinə görə, səhmlərin 49 faizi İrana, 51 faizi Azərbaycan tərəfinə məxsus olduğundan, üçdə ikidən söhbət belə gedə bilməz.
"Bu məsələdə yeganə çıxış yolu tərəflərdən birinin güzəştə getməsidir, bunu isə, yaxın zamanlarda gözləməyə dəyməz" - Mir Kazım Pərpənci Moqteba belə deyir.
Azərbaycanın Maliyyə Nazirliyi fevral ayında Azər-Asiya Şirkətinə sığorta fəaliyyəti üçün 2002 - ci il noyabrın 21-də verilmiş lisenziya müddətinin uzatmaqdan imtina edib. İmtina üçün 2006 - cı il oktyabrın 1- dən 2007- ci ilin oktyabrın 1- dək olan müddətdə şirkətin fəaliyyətinin sığorta qanunvericiliyinə və lisenziya tələblərinə uyğunluğunun təhlili əsas olub. Yoxlamanın gedişində pozuntu faktları aşkarlanıb.
Azər-Aiya avqust ayında sığorta edilənlər və şirkətin əməkldaşları qarşısında borcunu ödəmək üçün təsisçilərdən 300 min manat borc istəyib. Bu borcun 51 faizini azərbaycanlı, 49 faizini iranlı həmtəsisçi ödəməli imiş.
Sentyabr ayında Azər-Asiya öz portfelinin başqa bir sığorta şirkətinə - BE& G ASC-yə verilməsi barədə qərar qəbul edib. Fəaliyyətini dayandıran şirkətiq bağlananadək 17 min fiziki və 60 korporativ müştərisi olub.
Təsisçilərinin Asiya S?gorta (İran - 49 faiz) və AzərSığorta dövlət sığorta şirkəti (Azərbaycan - 51 faiz) olduğu Azer-Asiya Azərbaycanın sığorta bazarında 1997- ci ildən fəaliyyət göstərib.
Məqalə müəllifilə əlaqə ünvanı: [email protected]
