Azərbaycan, Bakı, 12 noyabr/ Trend , müxbir İ.Xəlilova/ Azərbaycan Milli Bankı 2009-cu ildə pul siyasətinin əlavə yumşaldılacağını gözləyir, - Azərbaycan Milli Bankının İdarə Heyətinin sədri Elman Rüstəmov bildirib.
"Bu il AMB-nin uçot dərəcəsi iki mərhələdə 15 faizdən 10 faizədək azaldılıb, - Rüstəmov bildirib. - Gələn il bu siyasət davam etdiriləcək və təkrarmaliyyələşdirmə dərəcəsi bir neçə mərhələdə yenidən azaldılacaq".
Onun sözlərinə görə, iqtisadiyyatın ucuz pullara ehtiyacı olduğu üçün bu gün dünyanın bütün Mərkəzi Bankları sinxron şəkildə uçot dərəcəsinin azaldılması siyasətini aparırlar.
"Maliyyə institutlarının da öz vəziyyətlərinin sabitləşdirilməsi üçün ucuz ehtiyatlara ehtiyacı duyur və gələn il də iqtisadiyyatın ucuz vəsaitlərə ehtiyacı olacaq", - AMB-nin rəhbəri bildirib.
Onun rəyinə görə, deflyasiya və tələbatın azalması fonunda Azərbaycanın başlıca vəzifəsi qeyri-neft sektorunda resessiyanın qarşısının alınmasıdır. Bunun üçün maliyyə "peyvəndləri" tələb olunur. Belə "peyvəndlərin" əsas mənbələri vəsaitlərin Milli Bankın təkrar maliyyələşdirməsi vasitəsilə bank sistemindən ölkə iqtisadiyyatına yönəldilməsidir.
"Hökumət kifayət qədər büdcədənkənar fondlara malikdir. Bu fondlardan istifadə edərək iqtisadiyyatı müəyyən likvidliklə təmin etmək lazımdır", - Rüstəmov bildirib.
Ötən həftənin sonunda Brüsseldə görüş keçirmiş 20-lər qrupunun maliyyə nazirlərinin başlıca tövsiyəsi belə olub ki, Mərkəzi Banklar pul-kredit və sikkə siyasətini yumşaltsınlar. Fiskal orqanlar isə xərclərin artması vasitəsilə iqtisadiyyatı uzunmüddətli likvidliklə təmin etməlidirlər.
Müəlliflə əlaqə saxlamaq üçün elektron ünvan: [email protected]
