Azərbaycan, Bakı, 26 noyabr/ Trend , müxbir Ü.İsmayılova/ Azərbaycanın Azərbaycan Sənaye Sigorta və Xalq Sigorta sığorta şirkətləri mülkiyyət formasını Qapalı Səhmdar cəmiyyətdən (QSC) Açıq Səhmdar Cəmiyyətə dəyişiblər, - rəsmi mətbuat xəbər verir.
Azərbaycanın sığorta şirkətlərinin mülkiyyət formasını dəyişməsi 2008-ci il martın 15-də qəbul edilmiş "Sığorta fəaliyyəti haqqında" yeni Qanunda nəzərdə tutulub.
1997-ci ildən fəaliyyət göstərən Azərbaycan Sənaye Sigorta 18 növ könüllü və 3 növ icbari sığorta növü üzrə xidmət göstərir. Şirkətin Nizamnamə kapitalı 2 mln. manatdır.
Xalq Sigorta Azərbaycanın sığorta bazarında 2005-ci ildən fəaliyyət göstərir. Şirkət 10,68 mln. manat məbləğində Nizamnamə kapitalına görə ən iri sığorta şirkətidir. Şirkət 2008-ci ildə özəlləşdirilmiş Kapital Bank-da 7,5 faiz səhmə də malikdir.
Noyabrın 26 - na olan cari mübadilə məzənnəsi -- 0,8074 AZN/USD
Müəlliflə əlaqə saxlamaq üçün elektron ünvan - [email protected]