Azərbaycan, Bakı, 16 dekabr/ Trend , müxbir Ü.İsmayılova/ Noyabrda Bakının təkrar daşınmaz əmlak bazarında mənzillərin alqı - satqısı üzrə bağlanmış sazişlərin dinamikası 16,7 faiz azalıb, - MBA Group Konsaltinq Şirkətindən çərşənbə axşamı bildiriblər.
Noyabrda təkrar bazarda əmlakın ekspozisiya müddəti oktyabra nisbətən daha 3,2 faiz artıb.
Ay ərzində bazara 3,1 min mənzil təklif olunub. Təkrar bazar portfelinin böyük hissəsini Bakının Yasamal (22,9 faiz), Nəsimi (15,2 faiz) və Nərimanov (14,1 faiz) rayonlarındakı mənzillər təşkil edib.
Oktyabrda nisbətən təkrar bazarda qiymətlər daha 1,7 faiz azalıb ki, şirkətin ekspertlərinin rəyinə görə, bu da maliyyə böhranı ilə əlaqədardır.
MBA Group ölkə iqtisadiyyatının, demək olar ki, bütün sahələrində müntəzəm monitorinqlər aparan konsaltinq şirkətidir.
Müəlliflə əlaqə saxlamaq üçün elektron ünvan: [email protected]