Azərbaycan, Bakı, 22 dekabr/ Trend , müxbir S.Babayeva/ "Azərbaycanda quş qripinin qarşısının alınması üzrə aparılan monitorinqlərdə ilkin müşahidələr ölkə ərazisində virusun olmadığını göstərir", - deyə bazar ertəsi Azərbaycanın Kənd Təsərrüfatı Nazirliyi yanında Dövlət Baytarlıq Xidmətinin mətbuat katibi Yolçu Xanvəli bildirib.
"İşçi qrup çöl quşları üzrə monitorinq aparıb və heç bir xəstəliyə yoluxma əlaməti və ya ölü quş aşkar olunmayıb", - deyə Xanvəli bildirib.
Monitorinq Abşeron yarımadası, Dəvəçi, Salyan, Ağcabədi, Lənkəran və Xəzərin sahilyanı zolağını əhatə edəcək. Tədqiqatlar tərkibi Səhiyyə, Kənd Təsərrüfatı, Ekologiya və Təbii Sərvətlər nazirlikləri və Azərbaycan Ovçular Cəmiyyəti əməkdaşlarından ibarət xüsusi işçi qrup tərəfindən aparılır.
Mətbuat katibinin sözlərinə görə, 26 çöl quşu nümunəsi götürülüb, quşçuluq və özəl təsərrüfatlardan da nümunələr daxil olur.
Monitorinq üzrə laboratoriya nəticələri dekabrın 26 - da elan olunacaq.
Bu il keçirilən əvvəlki - beşinci monitorinq ölkədə quş qripi virusu aşkar etməyib.
Ötən il Dövlət Xidməti 12 monitorinq keçirib, onların gedişində 8 mindən çox çöl və ev quşu nümunəsi tədqiq edilib. Onların heç birində virus daşıyıcısı aşkar olunmayıb.
Məqalə müəllifi ilə əlaqə ünvanı - s
