Azərbaycan, Bakı, 24 dekabr/ Trend , müxbir N.İsmayılova/ Azərbaycanın Dövlət Sosial Müdafiə Fondu (DSMF) qarşıdakı beş il üçün Azərbaycanda pensiya sığorta sisteminin inkişafı üzrə Dövlət Proqramını işləyir, - Fondun rəhbəri Səlim Müslümov çərşənbə günü bildirib.
"Dövlət Proqramı artıq nəzərdən keçirilmək üçün Prezident Administrasiyasına təqdim edilib və yaxın günlərdə onun təsdiqlənəcəyi gözlənilir", - Müslümov deyib.
Əvvəlki beş ildə Fondun əsas məqsədi pensiya sistemində islahatların aparılması üzrə konsepsiya çərçivəsində tədbirlərin yerinə yetirilməsi olub və onun realizəsinin başa çatması ilə əlaqədar yeni Dövlət Proqramı işlənilib.
Proqram pensiya sığorta sisteminin inkişafı üzrə çox sayda elementi əhatə edir. Əvvəllər əsas məqsəd ölkə əhalisinin sosial vəziyyətinin yaxşılaşdırılması üçün minimal pensiya səviyyəsinin yaşayış minimumuna yaxşılaşdırılmasıydısa, indi iki əsas istiqamətin - sosial pensiya sığortası və dövlət yardımı sisteminin inkişafı gözlənilir.
"Bütün bu sistem beynəlxalq standartlara cavab verəcək və bu tədbirlərin həyata keçirilməsi üçün kifayət qədər ehtiyatmız var", - DSMF- in rəhbəri bildirib.
Dövlət Proqramı çərçivəsində, ölkənin iqtisadi, demoqrafik və sosial inkişaf proqnozlarının tərtib edilməsi üçün uzunmüddətli aktuar hesablamaların aparılması nəzərdə tutulub. Ölkə əhalisinin sosial vəziyyətinin yaxşılaşdırılması məqsədilə, 2006-cı ilədək pensiyaya çıxmış vətəndaşlara veriləcək pensiyaların hesablanması yeni hesablama sistemi üzrə aparılacaq. Bundan başqa, pensiya təminatının daimi və davamlı maliyyələşdirilməsi üçün aylıq ehtiyat fondunun formalaşdırılması nəzərdə tutulur ki. bu da pensiya müavinətlərinin ödənilməsi ilə bağlı gecikmə hallarından qaçmağa imkan verəcək.
2008 - ci il oktyabrın 1-nə Azərbaycanda əmək pensiyası alan şəxslərin sayı 25 min nəfər artaraq 1,266 mln.-a çatıb. Hesablamalara görə, 2009 - cu ildə Azərbaycanda pensiyaçıların orta sayı 1,29 mln., o cümlədən gələn ilin əvvəlinə 1,277 mln., 2010-cu ilə - 1,303 mln. nəfər pensiyaçı səviyyəsində proqnozlaşdırılır.
Müəlliflə əlaqə saxlamaq üçün elektron ünvan: [email protected]
