Türkmənistan , Aşqabad , 25 dekabr / Trend , müxbir E.Həsənov / Türkmənistanda Türkmənistan Seqmenti - konteyner daşımaları üzrə Qlobal Proqram (GLOG80) çərçivəsində Türkmənbaşı şəhərində konteynerlərin profillənməsi üzrə təlim proqramı başa çatıb . BMT-nin xüsusi İdarəsi Ümumdünya Gömrük Təşkilatı ilə birgə təşkilatçı qismində çıxış ediblər . Bu barədə BMT-nin narkotik maddələr və cinayət üzrə İdarəsinin (UNODC) press-relizində bildirilir .
Konteyner daşımaları üzrə proqram narkotik maddələr , kimyəvi perekurslar və konteynerlərdə gizlədilən digər malların qanuni ticarətə təsir göstərən qanunsuz idxalının qarşısını almaq məqsədi ilə iştirakçı dövlətlərin potensialının möhkəmləndirilməsini nəzərdə tutur .
Seminarın mövzuları konteyner ticarəti üzrə milli və beynəlxalq vəziyyətlərə müvafiq hazırlanıb . Dəniz limanları və konteyner nəzarəti üzrə əməliyyatların təhlükəsizliyi ; risklərə standartlaşdırılmış qiymət ; müdafiə olunmuş kommunikasiya vasitələri ; operativ informasiya ; ticarətə yardım ; narkotik maddələr , kimyəvi prekurs , nüvə və radioaktiv materialların aşkarlanması və müəyyən edilməsi üsulları kimi məsələlər müzakirə olunub .
Proqram Dövlət Gömrük Xidməti , Türkmənistan Narkotiklərlə Mübarizə üzrə Dövlət Xidməti , Dövlət Sərhəd Xidməti , Milli Təhlükəsizlik Nazirliyi , Daxili İşlər Nazirliyinin Nəqliyyat Polisi və Dəniz və Çay Gəmiçiliyi İdarələrinin əməkdaşları üçün nəzərdə tutulub .
Seminarın işində UNODC, ÜTT və Böyük Britaniyadan olan beynəlxalq ekspertlər iştirak ediblər . Beynəlxalq Atom Enerjisi Agentliyi ( MAQATE ) nüvə və radioaktiv materiların qaçaqmalçılığı ilə mübarizə sahəsində mühüm informasiyalar təqdim etməklə müzakirələrə öz töhfəsini verib .
Məqalə müəllifi ilə əlaqə ünvanı capital@ trend.az
