Azərbaycan, Bakı, 14 yanvar / Trend , müxbir Ü.İsmayılova/
Azərbaycan prezidentinin torpaq sahələrini yalnız müsabiqə və hərrac yolu ilə satılmasına dair fərmanının icrası çərçivəsində, Azərbaycanın Torpaq və Xəritəçəkmə Komitəsi tərəfindən doqquz nəfərdən ibarət xüsusi komissiya yaradılıb. Bu haqda yanvarın 14-də keçirilən prezidentin sərəncamının icrasına həsr olunmuş kollegiya iclasında Komitənin sədri Qərib Məmmədov bildirib.
Onun sözlərinə görə, torpaq müsabiqəsi yaxud həracı keçirmək üçün səkkiz forma hazırlanıb. Onların biri torpaq alıcısına təqdim olunur - müsabiqə qalibi üçün şəhadətnamə, digər yeddisi isə dəftərxana xarakteri daşıyır.
Məmmədov söyləyib ki, əvvəllər yerli icra komitələri tərəfindən bağlanan torpaq sahələri sahibləri ilə alqı yaxud icarə müqavilələri də Komitə tərəfindən bağlanacaq.
" Şəffaflığı təmin etmək və torpaq sahələrinin müsabiqə və hərraclarının keçirilməsinin vahid sistemini tətbiq etmək üçün, Komitə vahid standartlar üzərində çalışır", - deyə o əlavə edib.
Azərbaycan prezidentinin 2008-ci ilin 10 dekabr tarixli sərəncamına əsasən, bələdiyyə torpaqları yalnız müsabiqə və hərrac yolu ilə satılacaq, onların keçirilməsi səlahiyyətlərı Torpaq və Xəritəçəkmə Komitəsinə veriləcək. Əvvəllər bu səlahiyyətlər yerli özünüidarəetmə orqanları olan bələdiyyələrə məxsus olub.
Məqalə müəllifi ilə əlaqə ünvanı: [email protected]
