Azərbaycan, Bakı, 15 yanvar/ Trend / 2008 - ci ilin yekunlarına görə, "Aktau beynəlxalq dəniz ticarət limanı" Respublika Dövlət Müəssisəsi (RDM) yüklərin aşırılması həcmini 0,4 faiz artırıb, - RDM - in İnformatizasiya və Marketinq Araşdırmaları Şöbəsindən bildiriblər, - "Qazaxıstan Bu Gün" agentliyi yazır.
Şöbənin məlumatlarına görə, 2008 - ci ilin yekunlarına əsasən, Aktau beynəlxalq dəniz ticarət limanı 11 mln. tondan çox və ya plana nisbətən 102,5 faiz əsas və maye neft yükləri göndərib. Ümumilikdə bu liman vasitəsilə 8 mln. 902,2 min ton maye neft yükləri yüklənilib [plan 100 faiz yerinə yetirilib].
Quru yüklərin aşırılmasının ümumi həcmi 2007 - ci ildəki 1 mln. 283,6 min tona qarşı 1 mln. 867,9 min ton təşkil edib. 2008 - ci ilin yekunları üzrə limandan metalın aşırılması 1 mln. 510,5 min ton və ya plana nisbətən 115,4 faiz təşkil edib.
Aktau dəniz limanı fəaliyyət göstəridiyi dövrdə ilk dəfə olaraq, mayda metalın aşırılması üzrə rekord vurub - metalın aşırılması 165 min 176,9 ton təşkil edib ki, bu da aylıq planı 73 faiz ötüb. Beləliklə, 2007 - ci illə müqayisədə, ötən ilin yekunlarına görə metalın aşırılması üzrə göstəricinin artımı 30 faiz təşkil edib, - RDM-dən bildiriblər.
Ötən il Aktau limanı vasitəsilə 266 min ton və ya plana nisbətən 133 faiz taxıl aşırılıb. 2007- ci iin analoji dövründə bu rəqəm 187,8 min ton taxıla bərabər olub. 2007- ci illə müqayisədə 2008 - ci ildə bu göstəricinin artımı 41,6 faiz təşkil edib.
Digər yük növlərinin aşırılma həcmi də 13,7 faiz artıb - 104, 4 min ton və ya plana nisbətən 109,9 faiz. 2007 - ci ildə 91,3 min ton müxtəlif yük işlənilmişdi.
RDM - in məlumatlarına əsasən, ötən il ərzində beynəlxalq TRACECA və Şimal-Cənub dəhlizləri çərçivəsində ixrac - idxal və tranzit daşınmaları həcminin davamlı artımı qeydə alınıb. Aktau limanı vasitəsilə dəmir yolu - bərə daşınmaları tranzit yük daşınmalarının artmasının təmin edilməsində xüsusi rol oynayır.
2008-ci ilin yekunları üzrə bərə daşınmaları 227,5 min ton və ya planlaşdırılanın 94,8 faizinə bərabər olub. 2007 - ci ildə bu rəqəm 237,6 min ton təşkil edib.
Bundan başqa, 2008 - ci ilin yekunları üzrə liman tərəfindən 6 mlrd. 5476,8 mln. təngə məbləğində iş və xidmət göstərilib ki, bu da 2007- ci ildən 52,4 faiz çoxdur.
2007 - ci ilin yekunları üzrə "Aktau beynəlxalq dəniz ticarət limanı" RDM 10 mln. 971 min ton baş və maye neft yükü yükləyib.
Müəlliflə əlaqə saxlamaq üçün elektron ünvan: [email protected]