Azərbaycan, Bakı, 21 fevral / Trend , müxbir Ü.İsmaylova / "Mart-aprel aylarında Azərbaycanda ilk dəfə Dəyərləndirmə Cəmiyyətinin sertifikatlı üzvləri fəaliyyət göstərəcəklər", - cəmiyyətin icraçı direktoru Elçin Səmədli deyib.
"İki mərhələli imtahandan keçdikdən sonra dəyərləndiricilərə sertifikatlar veriləcək", - Səmədli qeyd edib.
Onun sözlərinə görə, ilk imtahan yazılı, ikinci isə şifahi keçiriləcək. İmtahanın keçirilməsi üçün 200 sual işlənilib hazırlanacaq.
"Sertifikatlı dəyərləndiricilərin mövcudluğu ümumilikdə ölkədə dəyərləndirmə sahəsinin inkişafına xidmət edəcək", - Səmədli vurğulayıb
2002-ci ildə Azərbaycanda dəyərləndirmə fəaliyyəti üzrə lisenziya ləğv edilmişdi.
Azərbaycan Dəyərləndiricilər Cəmiyyəti 1997-ci ildə qeydiyyatdan keçdikdən sonra ölkə ərazisində fəaliyyət göstərən bütün dəyərləndiriciləri birləşdirib. Cəmiyyətin üzvləri 80 fiziki və 7 hüquqi şəxsdən ibarətdir
Azərbaycanda dəyərləndirmə fəaliyyəti 1995-ci ildə qəbul olunmuş "Dəyərləndirmə haqqında" qanunla tənzimlənir.
Məqalə müəllifi ilə əlaqə ünvanı: [email protected]
