Azərbaycan, Bakı, 25 fevral / Trend , müxbir A. Bədəlova / Vaxtilə AF Bank adlanan və Rusiya səhmdarı tərəfindən səhm yoxlama paketinin alınmasından sonra "Xarici Ticarət Bankı-Azərbaycan"ASC adlandırılan bank Azərbaycan Vergilər Nazirliyinin qeydiyyatından keçib, - çərşənbə axşamı mətbuat konfransında bankın idarəetmə şöbəsinin sədri Ruslan Məhəmmədli bildirib.
Ötən ilin dekabrında AF Bankın səhmlərinin Rusiyanın Xarici Ticarət Bankı tərəfindən alınması prosesi sona yetib. Rusiya bankından öncə AF Bankının əsas səhmdarı "Uğur-97" tikinti şirkəti idi.
"Yaxın zamanda bankın yeni statusda rəsmi açılışını elan edəcəyik, hal-hazırda isə onun destrukturizasiya prosesi davam edir", - Məhəmmədli bildirib.
Bank fevralın 18-də Azərbaycanın Əmanət Sığortası Fondunun üzvü seçilib.
Məhəmmədlinin sözlərinə əsasən, 2009-cu il üçün strateji plan bankın universallaşdırılması, yəni korporativ və pərakəndə müştərilərə xidmət göstərilməsindən ibarətdir. Yeni bank məhsullarının tətbiqi 2010-cu ilə planlaşdırılır.
"İlin sonuna kimi "Xarici Ticarət Bankı-Azərbaycan" nizamnamə kapitalını üç dəfə artırmaq niyyətindədir", - Məhəmmədli bildirib. Bu gün üçün bankın nizamnamə kapitalı 10 milyon manat təşkil edir, aktivlər isə 15 milyon manat civarındadır.
"Bank üç il ərzində ölkənin aparıcı banklar siyahısına qoşulmağı planlaşdırır", - Məhəmmədli bildirib.
Xarici Ticarət Bankı (XTB) Rusiyada ən iri maliyyə institutlarından və XTB qrupunun həlledici üzvlərindən biridir.
Bank Rusiyada 1990-cı ildən fəaliyyət göstərir. XTB-nin əsas səhmdarı 77,5 faiz səhm çoxluğu ilə Rusiya Federasiyasıdır. XTB-nin nizamnamə kapitalının həcmi 67,2 milyard rubldur.
Fevralın 25-nə olan hazırkı kurs 0,8048 AZN/USD təşkil edir.
Məqalə müəllifi ilə əlaqə ünvanı: [email protected]
