Azərbaycan, Bakı, 03 mart / Trend , müxbir Ü. İsmayılova / Ümumdünya bankının Sərhəd İdarəsi Departamenti Azərbaycanın Dövlət Gömrük Komitəsinə (DGK) daha müasir informasiya texnologiyalarından istifadəni tövsiyə edib, - bazar ertəsi görüş çərçivəsində DGK-nin sədri Aydın Əliyevlə Bank Sərhəd İdarəsi Departamentin, beynəlxalq ticarət və iqtisadi idarənin eksperti Tomas Doyl bildirib.
Görüş ərzində Üumdünya bankının eksperti gömrük sistemində müasir texnologiyaların istifadə edilməsi yönündə öz tövsiyələrinin verib.
Doyl görüş çərçivəsində Azərbaycanın Gömrük Məcəlləsinin təkmilləşdirilmiş layihəsi ilə də tanış olub.
"Azərbaycanın yeni Gömrük Məcəlləsi yaxın zamanda qəbul ediləcək", - deyə Azərbaycanın Gömrük Komitəsinin sədri bildirib.
Onun sözlərinə əsasən, ölkənin gömrük sisteminin təkmilləşdirilməsi çərçivəsində komitənin bütün nəzarət buraxılış məntəqələrində yenidən qurma işləri aparılır, işlər bitikdən sonra keçiddəki bütün yüklər avtomatlaşdırılmış nəzarətdən keçəcək, bu isə ticarətin təkmilləşdirilməsinə və təhlükəsizliyin təmin edilməsinə şərait yaradır.
Məqalə müəllifi ilə əlaqə ünvanı: [email protected]
