Azərbaycan, Bakı, 06 mart / Trend , müxbir Ü.İsmayılova /
Azərbaycanda Dövlət Sosial Müdafiə Fondu Milli Bankın kiçik ödənişlər sisteminə qoşulur. Bu barədə cümə günü fondun sədri Səlim Müslimov Yeni Azərbaycan Partiyasının qərargahında keçirilən mətbuat konfransında bildirib.
"Biz bu prosesi ilin sonuna kimi tamamlamaq niyyətindəyik", - Müslimov bildirib.
Onun sözlərinə görə, hazırda torpaq sahibləri kimi fiziki şəxslərin kiçik ödənişləri fondun müfəttişləri tərəfindən yerində yığılır, nəticədə isə neqativ hallar müşahidə edilir. Belə faktların aradan qaldırılması məqsədi ilə Müdafiə Fondu bu sistemə qoşulmaq qərarına gəlib.
Kütləvi Ödənişlər üzrə Mərkəzləşdirilmiş İnformasiya Sistemi (KÖMİS) 2008-ci ildə Azərbaycan Milli Bankı yanında yaradılıb. Cari ildən etibarən bu sistemə artıq bəzi banklar qoşulub.
Məqalə müəllifi ilə əlaqə ünvanı: [email protected]
