Azərbaycan, Bakı, 16 mart / Trend , müxbir Ü.İsmayılova /
Azərbaycanın "Qarant Sığorta" şirkəti ilin sonuna kimi yalnız həyat sığortası ilə məşğul olan filial şirkətini (Life-şirkət) yaratmaq niyyətindədir. Bu barədə şirkətin idarə heyətinin sədri Vaqif Həsənov bildirib.
"Şirkətin təsisçisi "Qarant Sığorta" şirkətidir", - deyə Həsənov bildirib.
Onun sözlərinə əsasən, hazırda "Qarant Sığorta" bu şirkətdə pay hissəsinə sahib olmaq istəyən bir neçə beynəlxalq maliyyə institutları ilə danışıqlar aparır.
Bu gün Azərbaycanın sığorta bazarında yalnız həyat sığortası ilə məşğul olan bir şirkət, hələlik fəaliyyət göstərməyən "Atəşgah Həyat" qeydiyyatdan keçib.
Azərbaycanda Life-şirkətlərin yaradılmasını 2008-ci ildə qəbul edilmiş "Sığorta fəaliyyəti" haqqında qanun nəzərdə tutur.
"Qarant Sığorta" şirkəti 2007-ci ilin noyabrında Azərbaycan Maliyyə Nazirliyi tərəfindən sığorta fəaliyyəti istiqamətində lisenziya alıb. "Qarant Sığorta" ZQAN Holding-in tərkibinə daxildir. Şirkət sığortanın 18 könüllü və 4 məcburi növü üzrə xidmət göstərir.
Məqalə müəllifi ilə əlaqə ünvanı: [email protected]