Azərbaycan, Bakı, 29 mart / Trend , müxbir S.Babayeva /
Aprelin sonunda Azərbaycanda taxıl idxalının əlavə dəyər vergisindən azad edilməsi qanunu qüvvədən düşür (ƏDV 18 faiz təşkil edir). Bu respublikada daxili istehsalın stimullaşmasına imkan yaradacaq. Bu barədə bazar ertəsi Kənd Təsərrüfatı Nazirliyinin istehsal, bitkiçilik məhsullarının becərilməsi və torpaqdan istifadəyə nəzarət şöbəsinin başçısı Sabir Vəliyev bildirib.
"Bu, həmçinin daxili bazarın qorunmasına da imkan yaradacaq, belə ki, yerli fermerlər hazırda öz məhsullarını sata bilmirlər", - deyə Vəliyev bildirib.
Onun sözlərinə əsasən, Azərbaycanda bu gün istehsalın artması və idxal sayəsində yetərincə taxıl var.
Vəliyevin proqnozuna əsasən, 2009-cu ildə Azərbaycan daxili istehsal hesabına buğda istehlakını tam ödəyəcək.
"Hətta idxal olmadan daxili bazar hesabına buğda istehlakını ödəyə biləcəyik. Təkcə bu ildə buğdanın həcminin iki milyon tona çatdıralacağı gözlənilir", - deyə Vəliyev bildirib.
Məqalə müəllifi ilə əlaqə ünavnı: [email protected]
