Azərbaycan, Bakı, 08 aprel / Trend , müxbir Ü.İsmayılova /
Martda Bakının daşınmaz əmlak bazarında orta qiymətlər fevral ilə müqayisədə 1,7 faiz düşüb. Bu barədə "MBA Group" konsaltinq şirkətinin baş direktoru Nüsrət İbrahimov bildirib.
"Daşınmaz əmlak üzrə orta qiymətlər ilin əvvəlinə nisbətdə 3,7 faiz azalıb", - deyə İbrahimov vurğulayıb.
Onun sözlərinə görə, ay ərzində təkrar mənzil bazarında orta qiymətlər 1,6 faiz (ilin əvvəlinə nisbətdə 6,1 faiz), ilkin bazarda 3,8 faiz (6,8 faiz), torpaq bazarında 4,8 faiz (10,7 faiz), kommersiya obyektləri bazarında 0,8 faiz (0,1 faiz), tikinti materialları bazarında 4,3 faiz (5,7 faiz) azalıb.
İbrahimovun sözlərinə görə, Bakının I zonasında orta qiymətlər fevrala nisbətdə 1,7faiz, II zonada 1,1 faiz, III zonada 4,4 faiz, IV zonada 3,7 faiz düşüb.
Bakının torpaq bazarında qiymətlər fevrala nisbətdə I zona üzrə 6,8 faiz, II zona üzrə 2 faiz, III zona üzrə 4,7 faiz və IV zona üzrə 4,2 faiz düşüb.
İbrahimov bildirib ki, Bakının daşınmaz əmlak bazarında qiymət enməsi ilin ortalarınadək davam edəcək. Daha sonra bazarda stabillik dövrü başlanacaq və bu da ehtimal ki, ilin sonunda başa çatsın.
Məqalə müəllifi ilə əlaqə ünvanı - [email protected]
