Azərbaycan, Bakı, 01 may / Trend /
Bakı Banklararası Valyuta Birjasına (BBVB) mayın 1-də İSE rəhbəri Hüseyn Ərkan, Qiymətli Kağızlar Bazarının direktoru Murat Bolat və Türkiyə Derivativ Birjasının (Turkish Derivatives Exchange - TurkDEX) direktoru Çətin Əli Dönməzin timsalında İstanbul Fond Birjasının (Istanbul Stock Exchange - ISE) nümayəndələri rəsmi səfər edib. Bu barədə birjanın məlumatında deyilir.
BBVB direktoru Fərhad Əmirbəyovla görüş zamanı türkiyəli qonaqlar ölkənin maliyyə bazarındakı vəziyyət, onun infrastrukturu, BBVB-nin fəaliyyəti, maliyyə əməliyyatlarının aparılması texnologiyaları, gələcək fəaliyyətin prioritet və istiqamətləri ilə tanış olublar. Görüş zamanı ikitərəfli əlaqələrin saxlanılmasının vacibliyi xüsusi vurğulanıb.
