Türkmənistan, Aşqabad, 02 may / Trend , müxbir H.Həsənov /
"Birinci rüb ərzində xarici ticarətin həcmi ötən ilin analoji dövr göstərisini 1,7 dəfə ötüb. Bununla yanaşı ixrac təxminən 3 dəfə artıb", - bu gün "Neytralnı Turkmenistan" qəzeti xəbər verib.
Məqalədə qeyd olunur ki, milli iqtisadiyyata dövlət sərmayələri birinci rübdə 2,5 dəfə artıb. Bu mövzu Nazirlər Kabinetinin son iclasında qaldırılıb. Burada Baş nazirin müavini Т.Caparov deyib ki, 2009-cu ilin yanvar-aprelində pərakəndə ticarət dövriyyəsinin artım tempi ötən ilin analoji dövrü ilə müqayisədə 117,7 faiz çox olub.
Hökumət nümayəndəsi dövlət büdcəsinin yerinə yetirilməsi ilə bağlı məruzə edərkən bildirib ki, "milli iqtisadiyyatdakı müsbət tendensiyalar güc yığır".
Hazırda əsasən enerji daşıyıcılarının ixracından gəlir əldə edən Türkmənistanda ümumi dəyəri 15 milyard dollar olan 1437 obyektin tikintisi gedir.
Məqalə müəllifi ilə əlaqə ünvanı: [email protected]
