Qazaxıstan, Astana, 04 may / Trend , müxbir K.Arınova /
"Moskvada Qazaxıstan yüklərinin Rusiya ərazisindən tranzitinə güzəştli tarif şərtlərinin tətbiq olunması müzakirə olunacaq", - bu barədə Trend -a Qazaxıstanın Nəqliyyat və Kommunikasiya Nazirliyinin mətbuat xidmətinin eksperti Gülnur Kojaxmetova məlumat verib.
"6-7 may 2009-cu ildə Qazaxıstan nəqliyyat və kommunikasiya nazirinin müavini Azat Bekturov Qazaxıstan və RF arasında hökumətlərarası əməkdaşlıq üzrə komissiyasının görüşündə iştirak edəcək. Mərasim Moskvada keçiriləcək", - Kojaxmetova bildirib.
Onun məlumatına görə, görüşdə yanacaq-energetika kompleksi və nəqliyyat sahələrinin məsələləri müzakirə olunacaq. "Xüsusilə, Qazaxıstan Respublikası və RF arasında Qazaxıstan yüklərinin Rusiya Federasiyası ərazisindən tranzitinə güzəştli tarif şərtlərinin tətbiqi müqaviləsinin hazırlanması məsələsi nəzərdən keçiriləcək", - Kojaxmetova əlavə edib.
Məqalə müəllifi ilə əlaqə ünvanı: [email protected]
