Azərbaycan, Bakı, 14 may / Trend , müxbir Ü.İsmayılova /
Azərbaycanın daşınmaz əmlak bazarında qiymətlər 2008-ci ilin sonunda cüzi dərəcədə, cəmi 15 faiz aşağı düşüb. Bu barədə cümə axşamı Daşınmaz Əmlakın Dövlət Reyestri Xidmətinin rəhbəri Arif Qaraşov bildirib.
"Cari ilin ilk dörd ayında daşınmaz əmlak bazarında müəyyən sabitlik müşahidə olunur", - deyə Qaraşov bildirib.
Onun sözlərinə görə, strateji obyektlərdə də qiymət düşməsi müşahidə olunmur. Bazarda belə bir vəziyyət alıcının əmlakı aşağı qiymətlərlə almaq istəməsi, satıcının isə satışdan müəyyən gəlir əldə etməyi planlaşdırması səbəbindən yaranıb.
"Daşınmaz əmlak bazarında passivlik qeyri-mövsümi yay dövründə də davam edəcək, düşünürəm ki, bazarın fəallığı və qiymətlərin artması payızda bərpa olunacaq", - deyə Qaraşov vurğulayıb.
"Əmlak bazarı iştirakçıları" İctimai Birliyinin məlumatına görə, martda təkrar mənzil bazarında sövdələşmələrin sayı fevrala nisbətdə 3,1 faiz azalıb. Təkrar mənzil bazarında yeni tikililərin payı ötən aya nisbətdə 0,9 faiz artaraq 60,3 faiz təşkil edib.
Bazarda təkliflərin 0,4 faiz artması qiymətlərin əlavə olaraq enməsinə növbəti dəfə təkan verib. Bazarda orta qiymətlər 4,7 faiz düşərək bir kvadrat metr üçün 1,25 min dollara çatıb.
Məqalə müəllifi ilə əlaqə ünvanı - [email protected]