Azərbaycan, Bakı, 16 may / Trend , müxbir Ü.İsmayılova/ İqtisadi İnkişaf Nazirliyi yanında İstehlak Bazarına Nəzarət üzrə Dövlət Xidməti istehlakçıların hüquqlarının müdafiəsini təmin etmək, istehlak bazarını mənşəyi məlum olmayan, istifadə müddəti ötmüş və yararsız ərzaq məhsullarından qorumaq istiqamətində monitorinqləri davam etdirir.
Dövlət Xidmətinin Nəsimi rayonu ərazisində keçirdiyi monitorinqlər zamanı Ş.Əzizbəyov küçəsi, 112 ünvanında Rövşən Abbasova, Ş.Əzizbəyov küçəsi, 124 ünvanında Pərviz Tağıyevə və S.Rüstəm küçəsi, 12 ünvanında yerləşən "Avrora" firmasına məxsus ticarət obyektlərində 36 adda 596 ədəd istifadəyə yararsız ərzaq məhsulları (kolbasa, sosiska, peçenye, dovğa, konserv, pendir, günəbaxan yağı, xama, qatılaşdırılmış süd, mayonez, vafli və s.) aşkar olunub və məhv edilib.
İstehlak Bazarına Nəzarət üzrə Dövlət Xidməti keyfiyyətə nəzarət tədbirlərini davam etdirir.
Məqalə müəllif ilə əlaqə ünvanı: [email protected]
