Azərbaycan, Bakı, 27 may / Trend , müxbirlər İ.Хəlilova, N.İsmayılova /
"Azərbaycan tərəfindən "Cinayət yolu ilə əldə olunmuş vəsaitlərin və əmlakın leqallaşdırılması və terrorizmə qarşı fəaliyyət haqqında" qanunun qəbulu Avropa Şurasının ekspert qrupu Moneyval-a son hesabatında Azərbaycanın müsbət nailiyyətlərini əks etdirmək imkanı verib", - çərşənbə günü "çirkli" pulların yuyulması ilə mübarizə üzrə qurumlararası işçi qrupunun və Qiymətli Kağızlar üzrə Dövlət Komitəsinin rəhbəri Rüfət Aslanlı deyib.
"Bununla yanaşı Moneyval-ın plenar iclası, Prezidentin qanunun qüvvəyəminmə sərəncamında nəzərdə tutulan bütün qərarların yerinə yetirilməsi - maliyyə monitorinqi orqanının nizamnaməsinin təsdiqi, İnzibati Xətalar Məcəlləsi və Cinayət Məcəlləsinə müvafiq əlavə və dəyişikliklərin qəbulu halında monitorinq rejiminin dayandırılması hüququnu büroya verib", - Aslanlı bildirib.
Onun sözlərinə görə, hazırda Azərbaycan Mərkəzi Bankı nəzdində yaradılacaq maliyyə monitorinqi orqanının nizamnaməsi hazırlanıb və təsdiq olunmağa təqdim edilib.
Bununla yanaşı, müvafiq qanunvericilik aktlarına dəyişikliklər də hazırlanıb və onların hökumətdəki müzakirəsi sonuncu mərhələdədir.
Moneyval-ın növbəti müşavirə iclası, həmişə olduğu kimi yaz və yay aylarında deyil, 2009-cu ilin sonunda keçiriləcək.
"Müşavirə vaxtının ertələnməsi səbəbindən bizim növbəti iclasın keçirilməsinə qədər şansımız olacaq. Biz qanunlara bu dəyişikliklərin edilməsinə nail olacağıq və sadələşdirilmiş sistemlə monitorinq rejimi tamamilə sadələşdiriləcək", - Aslanlı deyib.
Xarici ekspertlərin fikrincə, nəzarət mexanizmi olan ölkələrdən fərqli olaraq, bu sistem olmayan ölkələrdə pulların yuyulması və terrorizmin maliyyələşdirilməsi riski yüksəkdir. Çünki bu sistem yüksək gəlir əldə etmək imkanlarını azaldır. Onlar hesab edir ki, beynəlxalq standartlara tan uyğun olmaq üçün bu qanun layihəsinin müəyyən hissələrinə yenidən baxılmalıdır. Xüsusilə bu, şübhəli əməliyyatlar və dövlətlərarası pul dövriyyəsi hesabatlılığı, həmçinin hesabat qanunlarının güclənməsi çərçivəsində maliyyə və biznes öhdəliklərinə aiddir. Çirkli pulların yuyulması, müsadirəetmə üzrə beynəlxalq təşkilatlarla əməkdaşlıq mexanizmlərinin yaradılması, pulların nağd formada keçdiyi gömrük orqanları ilə iş və beynəlxalq əməkdaşlığın təşkili də çox vacibdir.
Azərbaycan 2003-cü ilin sonunda Moneyval-ın yeni təlimatlarına əsasən qiymətləndirməni keçmiş ilk ölkə olub. Bu təlimatlar "40+8" (çirkli pulların yuyulmasının qarşısını almaq üzrə 40 standart və terrorizmin maliyyələşdirməsinin qarşısını almaq üzrə 8 standart) prinsipi üzrə FATF-in hər bir standartına uyğunluğunun ayrı-ayrı qiymətləndirmələr kompleksidir. Lakin standartlardan hər biri ümumilikdə 180 yarımmaddə təşkil edən bir neçə abzasdan ibarətdir. Bütün bəndlər üzrə vahid qiymətləndirmə verilmir və ölkə hər bənd üzrə ayrıca qiymətləndirmə alır. Azərbaycan nəzərəçarpacaq dərəcədə FATF standartlarına uyğundur və ölkəyə Moneyval tərəfindən verilən qiymətləndirmə idarələrarası ekspert qrupu çərçivəsində göstərilmiş qiymətləndirmədən daha yüksəkdir.
Qiymətləndirmənin birinci raundu 2003-cü ilin mayında keçirilib. Onun əsasında Azərbaycan FATF-in yeniləşdirilmiş standartlarına uyğun ölkələr kateqoriyasına aid edilib. Bu andan standartlara terrorizmin maliyyələşdirilməsinin qarşısının alınması haqqında yeni standart əlavə edilib. İkinci qiymətləndirmə 2008-ci ildə aparılıb və konstruktiv kimi xarakterizə edilib.
Məqalə müəllifi ilə əlaqə ünvanı: [email protected]
